The Sun-ის მიერ გავრცელებული ინფორმაციით, ჟოაო ფელიქსის ხელში ჩასაგდებად "მანჩესტერ იუნაიტედიც" იბრძოლებს. "ახალ რონალდუდ" წოდებულმა 19 წლის შემტევმა არაერთი გრანდის ყურადღება მიიპყრო. მის გადმოსაბირებლად "ბარსელონა", "რეალ მადრიდი", "იუვენტუსი" და "მანჩესტერ იუნაიტედი" იბრძვიან.

19 წლის ფეხბურთელი "ბენფიკას" ღირსებას 2015 წლიდან იცავს. პირველ გუნდში დებიუტი ფელიქსს მიმდინარე სეზონში ჰქონდა და თავის გამოჩენაც მოახერხა - ის ყველაზე ახალგაზრდა ფეხბურთელი გახდა, რომელმაც ლისაბონის დერბიში გოლი გაიტანა.

ფელიქსის შეძენა ასევე "ლივერპულსაც" სურდა. პრესაში გავრცელებული ინფორმაციის თანახმად, "ბენფიკამ" ლივერპულელების 69 მილიონიანი შეთავაზება დაბლოკა. პორტუგალიელები გამოსასყიდ თანხად 120 მილიონ ევროს ასახელებენ.

პორტუგალიელმა შემტევმა მიმდინარე სეზონში 22 შეხვედრაში მიიღო მონაწილეობა, სადაც 8 გოლის გატანა და 4 საგოლე გადაცემის გაკეთება შეძლო.