ჯესი ლინგარდის განცხადებით, მისი აღნიშვნებით ბავშვებს მოტივაციას სძენს და მეტის გაკეთების სურვილს უჩენს. მაიკლ ჯეკსონის ცეკვის იმიტაციის შემდეგ ჯესიმ პრესის ყურადღება მიიპყრო.

"მე ყოველთვის მინდოდა ამ მოძრაობის მინდორზე შესრულება. ცოტ-ცოტას ვვარჯიშობდი ხოლმე, რათა მენახა მართლა შევძლებდი თუ არა ამის გაკეთებას."

"ყოველთვის მომწონს გოლების აღნიშვნა, როცა გაგაქვს სათანადოდ უნდა აღნიშნო კიდეც. მე ამას მეტოქის გასაღიზიანებლად არასდროს არ ვაკეთებ, უბრალოდ მომწონს და მსიამოვნებს აღნიშვნა."

გასულ წელს ლინგარდმა ჰიპ-ჰოპის მოძრაობები შეასრულა ჩრდილოეთ ლონდონში გატანილი ბურთის შემდეგ.

მსოფლიო ჩემპიონატზე კი ვიდეო თამაშების ცეკვის, "Shoot Dance"-ის განხორციელება გადაწყვიტა და გოლების აღნიშვნის სერიებს "Jlingz" სერიაც კი უწოდა.

მაგრამ ის იმედოვნებს, რომ აღნიშვნისას გართობასა და სიამოვნების მიღებასთან ერთად მომავალ თაობასაც მისცემს მოტივაციას.

"ახალი თაობა მოდის, ახალგაზრდები, რომლებიც ხვალ "ოლდ ტრაფორდზე" ითამაშებენ. მინდა, რომ როცა მე შემომხედავენ ჩემგან მაგალითი აიღონ."

"მე შესაძლოა ერთ ან ორ ადამიანს ფეხბურთის თამაშის მოტივაცია მივცე. შეიძლება, ჩემმა ცეკვამ და აღნიშვნებმა იმდენად დადებითად დამუხტონ, რომ ფეხბურთის თამაში გადაწყვიტონ და შემდეგ თავად გახდნენ აქტიურები. ეს ძალიან სასიამოვნოა."

"დღევანდელ დღეს ბავშვების უმეტესობა აიპადსა და აიფონშია ჩართული. დღეს იშვიათად თუ დაინახავთ ქუჩაში ფეხბურთის მოთამაშე ბავშვებს."

"ასე რომ ახალგაზრდების ინსპირაციის წყაროდ უნდა ვიქცეთ, ეს აუცილებელია. მინდა, რომ რაც შეიძლება ბევრმა ითამაშოს ფეხბურთი და ამ სპორტით სიამოვნება მიიღონ."


წყარო: ManUtd.com