ბერბატოვი, ოლე გუნარი, ენდი კოული და უეინ რუნი.
"მანჩესტერ იუნაიტედს" ბევრი მაღალი დონის ფორვარდი ჰყავდა. მათ მუდმივად უყვარდათ გოლების გატანა და იდეალურადაც გამოსდიოდათ თავიანთი საქმე. ზუსტად 20 წლის წინ, "იუნაიტედის" ამჟამინდელმა მწრთვნელმა ოთხი გოლი გაიტანა მეტოქის კარში და საბოლოოდ "ნოტინგემის" წინააღმდეგ 8-1 ანგარიშით გავიმარჯვეთ.
ქვემოთ შეგიძლიათ იხილოთ ყველა "წითელი ეშმაკი", რომლებმაც პრემიერ ლიგის ერთ მატჩში ოთხი ან მეტი გოლის გატანა შეძლეს.
დიმიტარ ბერბატოვი "ბლექბარნის" წინააღმდეგ.
ბერბატოვმა ამ დღეს თავის კარიერაში საუკეთესო მატჩი ჩაატარა. თამაში "ოლდ ტრაფორდზე" შედგა, 2010 წლის ნოემბერში. ამ დღეს "იუნაიტედმა" "ბლექბარნი" 7-1 ანგარიშით დაამარცხა, საიდანაც ხუთი გოლი ბერბატოვის ანგარიშზეა. პირველი გოლი დიმიტარმა ნანის ასისტის წყალობით გაიტანა მეორე წუთზე, ამის შემდეგ მეტოქის კარი ჯი-სუნგ პარკმა დალაშქრა პირველი ტაიმის შუაში. ამის შემდეგ ბერბატოვმა ჰეთთრიკი გაიფორმა და ნანის წყალობით გუნდი კიდევ ერთი ბურთით დაწინაურდა. ანგარიში 5-0 გახდა. მეექვსე და მეშვიდე გოლის გატანაც ბულაგერლმა მოახერხა და ამის შემდეგ ბერბატოვი გახდა მეოთხე ფეხბურთელი პრემიერ ლიგის ისტორიაში, რომელმაც ერთ მატჩში ხუთი გოლის გატანა მოახერხა. მანამდე კი აღნიშნული რეკორდი ენდი კოულს, ალან შირერსა და ჯერმეინ დეფოს ეკუთვნოდათ.
უეინ რუნი "ჰალ სიტის" წინააღმდეგ.
ჩვენს ბომბარდის ვერავინ და ვერაფერი აჩერებდა. ეს მატჩიც "ოცნების თეატრში" შედგა, 2010 წლის იანვარში. რუნიმ ოთხი გოლის გატანა მოახერხა და "იუნაიტედმაც" სწორედ 4-0 ანგარიშით გაიმარჯვა. გოლების სერია უეინმა მერვე წუთზე დაიწყო და მხოლოდ სასტვენის ხმის გაგონებაზე გაჩერდა. ინგლისელმა ბოლო ბურთი დამატებითი დროის მესამე წუთზე გაიტანა და გულშემატკივარს ბრწყინვალე სანახაობა აჩვენა.
ენდი კოული "ნიუკასლის" წინააღმდეგ.
კოულის საუკეთესო მატჩი "ნიუკასლის" წინააღმდეგ შედგა, 1999 წლის აგვისტოში, როცა შესანიშნავმა ფეხბურთელმა ოთხი გოლი გაიტანა და კლუბს 5-1 ანგარიშით გაამარჯვებინა. პირველი გოლი ინგლისელმა მე-14 წუთზე გაიტანა. მეორე ნახევარში თითქოს ახალი ენერგიით დაბრუნდა და პირველივე წუთზე დალაშქრა მეტოქის კარი. ჰეთთრიკს 65-ე წუთზე მიაღწია და მეოთხე გოლიც სულ რაღაც ექვსი წუთის შემდეგ გაიტანა. სულ რაღაც ათი წუთის შემდეგ რაიან გიგზმა თამაშს წერტილი დაუსვა და "ნიუკასლის" კარში მეხუთე გოლი გაიტანა, თუმცა მატჩის გმირად, რა თქმა უნდა, ენდი კოული იქცა.
ოლე გუნარ სოლსკიაერი "ევერტონის" წინააღმდეგ.
"ნოტინგემის" კარის ოთხჯერ დალაშქვრიდან ზუსტად ათი თვის შემდეგ ნორვეგიელმა ფორვარდმა იგივე გაიმეორა და 1999 წელს "ოლდ ტრაფორდზე" საკუთარ გუნდს 5-1 გამარჯვება მოუტანა. ოლეს შეჩერება "ევერტონის" დაცვამ ვერაფრით ვერ შეძლო და ნორვეგიელმა თავისი რეკორდი კიდევ ერთხელ გაიმეორა.
ენდი კოული "იფსვიჩ თაუნის" წინააღმდეგ.
კოულმა "ოლდ ტრაფორდზე" ეს კიდევ ერთხელ შეძლო, 1995 წლის მარტში. "იუნაიტედმა" სტუმრები 9-0 ანგარიშის სხვაობით დაამარცხა, საიდანაც ხუთი გოლი ენდი კოულის ანგარიშზეა. პირველი გოლი კაპიტანმა, როი კინმა, გაიტანა, 53-ე წუთისთვის კი კოულს ჰეთთრიკი დასრულებული ჰქონდა. ამის შემდეგ კი კიდევ ორი გოლი დაამატა მეტოქის კარში. კოული გახდა პირველი ფეხბურთელი, რომელმაც გაიტანა ხუთი გოლი პრემიერ ლიგაში.
წყარო:
ManUtd.com