"მანჩესტერ იუნაიტედს" შემდეგი მატჩის ჩატარება შაბათს უწევს, "ფულემის" წინააღმდეგ. ოლე გუნარმა გუნდის სიახლეებზე ისაუბრა.

ერთი ფეხბურთელი, რომელიც შეიძლება "იუნაიეტდს" დაუბრუნდეს კრის სმოლინგი გახლავთ. ცენტრალურ მცველს ოლე გუნარის მოსვლის შემდეგ არცერთი მატჩი არ ჩაუტარებია, რადგან ტრავმირებული გახლდათ. მან ტრავმა სწორედ "ფულემთან" მიიღო. თუმცა "ბარნლისთან" მატჩის წინ ოლე გუნარმა განაცხადა, რომ სმოლინგი კარგად გრძნობდა თავს, ასე რომ შაბათს მისი ხილვა სავსებით შესაძლებელია.


რაც შეეხება სხვა ცენტრალურ მცველებს, ვიქტორ ლინდელოფს, ერიკ ბაიისა და ფილ ჯონსს, სწორედ ისინი იკავებდნენ ცენტრში ადგილს სმოლინგის არყოფნის დროს. მარკოს როხო არგენტინიდან დაბრუნდა და მცირედი ვარჯიშებიც დაიწყო.

შემდეგ სამშაბათს "წითლებს" დიდი მატჩის ჩატარება უწევთ პსჟ-ს წინააღმდეგ. ეს ჩემპიონთა ლიგის პირველი მატჩი იქნება. გარდა ამისა, "იუნაიტედს" "ლივერპულისა" და "ჩელსის" წინააღმდეგაც მოუწევს თამაში და შემდგომ ისევ პსჟ-სთან გასვლაზე.

სოლსკიაერმა ბოლო დროს ისაუბრა ფეხბურთელების დასვენების აუცილებლობაზე. მისი აზრით, შემადგენლობაში ცვლილებები აუცილებელია, რათა გუნდმა თებერვლის დატვირთულ გრაფიკს გაუძლოს და ყველა მატჩი უმაღლეს დონეზე ჩაატაროს.

ენტონი მარსიალი "იუნაიტედს" კვირას დაუბრუნდა, სადაც "წითლებმა" მასპინძლები 1-0 ანგარიშის სხვაობით დაამარცხეს. შეგახსენებთ, რომ ფარნგს "ბარნლისთან" ჩატარებული მატჩის გამოტოვება მოუწია ვარჯიშებზე მიღებული მცირედი ტრავმის გამო.

"ლესტერთან" მატჩის წინ გულშემატკივარი პოლ პოგბას არყოფნაზეც ნერვიულობდა. შეგახსენებთ, რომ "ბარნლისთან" ჩატარებული მატჩის ბოლოს მანაც მცირედი დაზიანება მიიღო, თუმცა "ლესტერთან" გამოჩენა მაინც შეძლო და სწორედ მისი დახმარებით გაიტანა მარკუს რეშფორდმა გოლი. რაც შეეხება რეშფორდს, "ფულემთან" გამართულ პირველ მატჩში მან გოლის გატანა შეძლო. ის იმედოვნებს, რომ შაბათსაც მოხვდება განაცხადში და ოლეს მოსვლის შემდეგ აღებულ შესანიშნავ სტარტს გააგრძელებს.

სოლსკიაერი გუნდის სიახლეების შესახებ დეტალურად პარასკევს გამართულ პრესკონფერენციაზე ისაუბრებს.

როგორ ფორმაშია "ფულემი"?

შესაძლოა შაბათს ლაზარ მარკოვიჩისა და ჰავარდ ნორდტვეიტის დებიუტი შედგეს. წყვილი "ფულემს" სატრანსფერო ფანჯრის დახურვის დღეს შეუერთდა, თუმცა "კრისტალ პაკასთან" მატჩი არ ჩაუტარებიათ.


"ფულემს" შესაძლოა "ჩელსის" ყოფილი ფორვარდი, ანდრე შურლე, დაუბრუნდეს. შეგახსენებთ, რომ მან "კრისტალ პალასთან" მატჩი ტრავმის გამო გამოტოვა. თუმცა შაბათს შეიძლება ვერ ვიხილოთ საირუს კრისტი, რომელმაც გასულ ტურში ტრავმა მიიღო.

ერთი ფეხბურთელი, რომელიც დანამდვილებით ვერ ითამაშებს ზეგ ეს ტიმოტუ ფოსუ-მენსაჰია.


წყარო: ManUtd.com