ოლე გუნარ სოლსკიაერმა აღიარა, რომ ძალიან უყვარს ფეხბურთელებთან მუშაობა და მათი გაუმჯობესება. მისი მოსვლის შემდეგ კი გუნდში პოზიტიური ცვლილებები ცალსახაა.
"მე უბრალოდ ძალიან მიყვარს ფეხბურთელებთან მუშაობა, განსაკუთრებით მათთან, ვისაც გაუმჯობესება სურთ."
"მიყვარს მათთან საუბარი და მთთვის რჩევების მიცემა. მომწონს, როცა ვეხმარები. ჩემი აზრით, ეს არის მწრთვნელის მთავარი ამოცანა. ფეხბურთელები უფრო და უფრო უნდა გააუმჯობესო. ყველაზე მთავარი და მნიშვნელოვანი ესაა."
ოლე გუნარის "იუნაიტედი" კვლავ დაუმარცხებელია. "წითლები" ეცდებიან, რომ ეს სერია რაც შეიძლება დიდხანს გაგრძელდეს. ოლეს განცხადებით, ძალიან უნდა, რომ ისეთი ფეხბურთელები ჰყავდეს გუნდში, რომლებიც პრობლემების თავად გადაჭრას შეძლებენ.
"აუცილებელია, რომ თამაშის გამარჯვების გზა იპოვნო. ეს ჩემზე, მაიკზე, კიერანსა და მაიკლზე არ არის. ამას წინასწარ ვერ განვუსაზღვრავთ."
"ყველა მატჩი განსხვავებულია. შეიძლება პირველი გოლი ჩვენ გავიტანოთ და ამის შემდეგ კიდევ უფრო განსხვავებულ თამაშს ვიხილავთ. შეიძლება პირველი გოლი მოწინააღმდეგე მხარემ გაიტანოს და კიდევ უფრო სხვა გამოწვევას დავუპირისპირდეთ. ასე რომ მე მჭირდება ფეხბურთელები, რომლებიც გადაწყვეტილებებს დამოუკიდებლად მიიღებენ თავისი გამოცდილებისა და შესაძლებლობების ხარჯზე."
"მე და მაიკი აქ იმისთვის მოვედით, რომ ფეხბურთელებს თავდაჯერებულობა შევმატოთ, რომ ვაგრძნობინოთ თავიანთი ძალა და საკუთარი თავის რწმენა დავუბრუნოთ."
"ისინი განსაკუთრებულები არიან და სწორედ ამიტომ არიან აქ. "მანჩესტერ იუნაიტედი" არასდროს იძენს ფეხბურთელს, რომელსაც რაიმე უნიკალური ან რაიმე "X ფაქტორის" მაგვარი არ აქვს."
"მათ არასდროს არ უნდა დაივიწყონ ვის ლოგოს ატარებენ გულით და რატომ ატარებენ ამ ლოგოს. მათ ყველამ დაიმსახურეს "იუნაიტედის" მაისურის ტარება, იმიტომ რომ განსაკუთრებულები არიან."