"მანჩესტერ იუნაიტედმა" მარკუს რეშფორდთან ახალ კონტრაქტზე მოლაპარაკებები დაიწყო. ოლე გუნარის მოსვლის შემდეგ 21 წლის ფორვარდი ბრწყინავს. მან "ლესტერის" წინააღმდეგ მეათე გოლი გაიტანა პრემიერ ლიგის მიმდინარე სეზონში.
რეშფორდის ამჟამინდელ კომტრაქტს 2020 წელს გასდოს ვადა. "იუნაიტედი" კი ყველაფერსგააკეთებს ახალგაზრდა ინგლისელის შესანარჩუნებლად.
უარეს შემთხვევაში, "წითლები" კონტრაქტის ერთი წლით გახანგრძლივებას შეეცდებიან. თუმცა "იუნაიტედს" ეს არ აკმაყოფილებს და ინგლისელთან გრძელვადიანი კონტრაქტი სურს.
მოურინიოს დროს რეშფორდი სტატისტიკურად პრემიერ ლიგის ყოველ მეორე მატჩს თამაშობდა, ოლე გუნარის მოსვლის შემდეგ კი ახალგაზრდა ფორვარდმა რვავე პრემიერ ლიგის მატჩი სასტარტო შემადგენლობაში დაიწყო. საერთო ჯამში კი ექვსი გოლის გატანა მოახერხა.
რეშფორდმა "იუნაიტედის" აკადემია გაიარა. მისი პირველი დებიუტი კლუბში 2016 წელს შედგა. "ლესტერთან" გოლით კი მისი პრემიერ ლიგის მეასე მატჩი აღნიშნა.
"იუნაიტედმა" ბოლო რვა პრემიერ ლიგის მატჩიდან შვიდში გამარჯვება მოახერხა და "წითლები" ოთხეულს საგრძნობლად მიუახლოვდნენ. "ჩელსი" "იუნაიტედს" მხოლოდ ორი ქულით უსწრებს.
გარდა ამისა, რეშფორდი ინგლისის ნაკრებისთვისაც მნიშვნელოვანი ფიგურა გახდა. მან სანაკრებო მატჩებიდან ოთხივე მატჩი ჩაატარა.