"მანჩესტერ იუნაიტედის" მწრთვნელი ოლე გუნარ სოლსკიაერი კვირას საფრანგეტში გაფრინდა და პსჟ-ს თამაშს უყურა. ოლე გუნარი საფრანგეთს მაიკ ფელანთან ერთად ეწვია. რა თქმა უნდა, კამერებს სოლსკიაერისა და ფელანის სტადიონზე ყოფნა არ გამორჩენიათ და პრესა აღნიშნულმა ამბავმა ააჭრელა.



ყოფილმა "იუნაიტედის" ვინგერმა, ანხელ დი მარიამ პსჟ მეშვიდე წუთზე დააწინაურა, თუმცა მეკარემ შეცდომა დაუშვა და 33-ე წუთზე ბურთი გაუშვა. ამის შემდეგ ტიაგო სილვა საჯარიმოში დაჯარიმდა და მსაჯმა პენალტი დანიშნა, რამაც, ფაქტობრივად, თამაშის ბედი გადაწყვიტა.

პსჟ ძალიან ბევრჯერ ეცადა მოწინააღმდეგის კარის დალაშქვრას, თუმცა ენტონი დაუმარცხებელი აღმოჩნდა და პარიზელებმა გოლის გატანა ვერაფრით ვერ შეძლეს.

თამაშის შემდეგ თომას ტუხელმა "ლიონთან" გამართულ მატჩსა და "იუნაიტედთან" გასამართ მატჩზე ისაუბრა.

"იმისათვის, რომ კარგი მომენტები შექმნა ბურთის დაჭერა უნდა შეძლო. ჩვენ ბევრჯერ დავკარგეთ ბურთი."

"ისინი ბევრს გვიტევდნენ. ჩვენც გვქონდა შესაძლებლობები. მეორე ტაიმში ძალიან კარგად ვითამაშეთ და ვფიქრობ, "ლიონს" არც ისე ბევრი შანსი ჰქონდა, ჩვენ კი ძალიან ბევრი მომენტი შევქმენით."

"რაც შეეხება ჩემპიონთა ლიგას, "მანჩესტერ იუნაიტედზე" საერთოდ არ ვღელავ. დღეს დავინახე რაღაც, რისი გამოსწორებაც მინდოდა. მეორე ტაიმი ძალიან მომეწონა."

შეგახსენებთ, რომ "იუნაიტედი" პარიზელებს 12 თებერვალს "ოლდ ტრაფორდზე" უმასპინძლებს.


წყარო: M.E.N.