ოლე გუნარი ფეხბურთელებზე, გულშემატკივარსა და დღევანდელ თამაშზე დეტალურად საუბრობს.
ოლე გუნარ სოლსკიაერმა თავისი გუნდი შეაქო. შეგახსენებთ, რომ "იუნაიტედმა" ზედიზედ მეხუთე გასვლითი მატჩი მოიგო. სოლსკიაერმა დღევანდელ მატჩსა და ბიჭებზე დეტალურად ისაუბრა.
ვცდილობთ, რომ ზედმეტად არ დავიტვირთოთ.
"ვიცით, რომ უკეთ შეგვიძლია თამაში, თუმცა ფანტასტიკურ ფეხბურთს ყოველ მატჩში ვერ ითამაშებ. დღეს შეგვეძლო, რომ თამაში ბევრად უფრო კარგად გაგვეკონტროლებინა, თუმცა თავი ძალიან არ დაგვიტვირთავს და ყველა ბურთისთვის არ ვიბრძოდით. ვუფრთხილდებით საკუთარ თავს და საზღვრებს ვიცავთ. ძალიან კარგად ვითამაშეთ თავდაცვაშიც, ეს აუცილებლად უნდა აღვნიშნო."
ძლიერი კომბინაცია.
"პოლი და მარკუსი უფრო და უფრო კარგად იცნობენ ერთმანეთს ტაქტიკურად და თამაშის მხრივ. ისინი საოცარ რამეებს ქმნიან და შექმნიან მომავალშიც. უმშვენიერესი პასი და კიდევ უფრო ლამაზი დასასრული. საოცარი კომბინაცია იყო. ვუთხარი, რომ ფეხებში დაერტყა, რადგან შმეიხელი ასე გოლს ხშირად უშვებს, მაგრამ საწუწუნო არაფერი მაქვს, დიდებულად დაასრულა პოლის ასისტი და ლამაზი ბურთიც შემოგვთავაზა."
პოლი ფანტასტიკურია.
"ვფიქრობ, რომ როცა ამ თამაშებს გადახედავს, იტყვის რომ სწორ გზას ადგას. პოლი ფანტასტიკური ნახევარმცველია და მას ყოველთვის შეუძლია გაუმჯობესება. საბედნიეროდ, ის ერთე-ერთი იმათგანია, ვინც ერთ ადგილზე არასდროს ჩერდება და ყოველთვის რაღაც ახლის შექმნას ცდილობს. ის თავადვე გადახედავს ამ თამაშს და აღიქვამს რისი გაკეთება შეეძლო გაცილებით უკეთ. მან თითქმის ყველა თამაშის ყველა წუთი ითამაშა. ასე რომ ძალების მოსაკრებად დრო დასჭირდება."
ალექსისი უმჯობესდება.
"ვფიქრობ, მან კარგად ითამაშა, მაგრამ ჩვენ თამაში უნდა შეგვეცვალა. მან თავდაცვაშიც ძალიან კარგად ითამაშა. მისთვის შანსები არასდროს შეგვიქმნია, მაგრამ ის ნელ-ნელა მოდის, ვითარდება და ძალიან ბევრს ვარჯიშობს. მალე ძალიან მაგარ შედეგს გვაჩვენებს."
მშრალად შენახული კარის მნიშვნელობა.
"როგორც უკვე აღვნიშნე, ჩვენ ზღვარს ვინარჩუნებთ. რამდენიმემ ცხვირი, მუხლები და ფეხები დაიზიანა. ძალიან ბევრი იბრძოლეს სამი ქულის მოსაპოვებლად. ვფიქრობ, რომ გამარჯვებასაც ვიმსახურებთ და პატივისცემასაც. ჩვენ მეორე ტაიმში უბრალოდ ტემპი შევაჩერეთ. თუმცა კიდევ ერთხელ აღვნიშნავ, რომ ძალიან კარგად დავიცავით თავი. ერიკი და ვიქტორი ფანტასტიკურები იყვნენ და, რა თქმა უნდა, დავიდი... მასზე აღარაფერს ვამბობ."
"თუ კარი მშრალად გაქვს შენახული, ბევრად უფრო მშვიდად ხარ, უფრო ორგანიზებულად თამაშობ, უტევ და მატჩის მოგების შანსიც მეტია. ჩვენ გვყავს მეკარე, რომელიც ჩვენი მხსნელია, ჩვენ გვყავს ოთხი მცველი, რომლებიც გამარჯვებისთვის ყველაფერს აკეთებენ და რამდენიმე ნახევარმცველი, რომლებიც მოედნის ცენტრში ძალიან კარგად ბლოკავენ ბურთს. ჩემთვის ძალიან სასიამოვნო საყურებელი იყო დღევანდელი მატჩი და განწყობაც ძალიან მომეწონა."
ბევრი ჯარიმა.
"ბუნებრივია, რომ ეს ასე ხდება. ეს ფეხბურთია და ბუნებრივია, რომ იქნება ჯარიმები. იმიტომ რომ სამი ქულისთვის იბრძვი და ყველაფერს წირავ ამისთვის. ვფიქრობ, დღეს ჩვენმა ბიჭებმა ყველაფერი გაწირეს რისი გაწირვაც შეიძლებოდა."
ბიჭების განწყობა.
"სამმა ქულამ ბიჭებს განწყობა უნდა აუმაღლოს და თავდაჯერებულობა შემატოს. ისინი 100%-ით ბედნიერები არ არიან თამაშის ხარისხით, რაც ძალიან კარგია, იმიტომ რომ თავადაც ვიცით, რომ უკეთ თამაში შეგვიძლია."
გულშემატკივრების გვერდში დგომა.
"აუცილებლად მინდა, რომ თითოეულ მათგანს ვუთხრა თუ რამდენად შესანიშნავნი არიან ისინი. ფანტასტიკური გრძნობაა მათი სიმღერის მოსმენა. ისინი გუნდს ძალიან ეხმარებიან. ჩვენი გულშემატკივრები მსოფლიოში ყოველთვის საუკეთესოები იყვნენ და ისინი იმსახურებენ რომ სახლში ჩვენგან მადლობის თქმის შემდეგ დაბრუნდნენ. ჩვენგან ყველასგან, ჩემგან, ფეხბურთელებისგან, სამუშაო პერსონალისა და სამწრთვნელო შტაბისგან. ძალიან, ძალიან დიდი მადლობა თქვენი მხარდაჭერისთვის."
წყარო:
ManUtd.com