მარკუს რეშფორდმა დღეს პრემიერ ლიგაში მეასე მატჩი ჩაატარა. მეცხრე წუთზე გატანილი ბურთით კი დღევანდელი დღე აღნიშნა. მარკუს რეშფორდმა დღევანდელ ფეხბურთსა და მის შესაძლებლობებზე ისაუბრა:
"არ ვფიქრობ, რომ ვინმე იმის ოცნებაში იზრდება, რომ მხოლოდ დამრტყმელი იყოს. ვფიქრობ, რომ თამაში დღევანდელ დღეს შეცვლილია. მინდა, რომ მთლიანი შეტევა მოვიცვა და ვითამაშო ორივე ფლანგზე და ათიანის პოზიციაზეც. ვითამაშო იქ, სადაც გუნდს დასჭირდება. ამ მომენტამდე ჩემი კარიერა ამის გაკეთების საშუალებას მაძლევს და ამის მადლიერი ვარ."
"განსხვავებული თამაში იყო. სხვადასხვა გამოწვევა დაგვხვდა წინ და მოგება არც ისე მარტივი იყო, ასე რომ მოპოვებული სამი ქულით ძალიან ბედნიერები ვართ."
"გამარჯვების შეგრძნებას ძალიან დიდი მნიშვნელობა აქვს, თუმცა ჩვენ მხოლოდ ამით არ დავკმაყოფილდებით და მუდმივად ვეცდებით, რომ განვვითარდეთ. ჩვენ აუცილებალდ უნდა წავსულიყავით წინ და ეს დღეს გავაკეთეთ."
რეშფორდმა ასევე პოლ პოგბას ბრწყინვალე ასისტსა და სზოგადად ფრანგის თამაშებზე ისაუბრა:
"ვფიქრობ, რომ დრო და დრო ისეთ შესაძლებლობებს ქმნის გუნდისთვის, რომელიც წინ წაგვწევს და სწორედ ეს გვინდა მისგან. ის აუცილებლად შეგვიქმნის მომენტებს, გოლების გატანა კი მარტივი საქმეა. ჩვენც უნდა გავუმჯობესდეთ მასთან ერთად, მეტი ვიმუშავოთ და იმედია, რომ ყველა ერთად მეტის გატანას შევძლებთ."
"ჩვენ მხოლოდ საკუთარ თავზე ვახდენთ კონცეტრირებას. ვცდილობთ, რომ უფრო და უფრო გავუმჯობესდეთ მოვიგოთ რაც შეიძლება მეტი მატჩი, გავიტანოთ რაც შეიძლება მეტი გოლი და მერე ვნახოთ სად ვიქნებით და როგორ დავასრულებთ სეზონს."