3-02-2019, 16:37

ავტორი: RedGirl,

ნანახია: 1967,

კომენტარები: 3

რატომ დააყენა ოლემ ეს შემადგენლობა?

ოლე გუნარი "ლესტერთან" მატჩის წინ.

"მანჩესტერ იუნაიტედი" დატვირთული თებერვლის პირველ მატჩს გამართავს "ლესტერის" წინააღმდეგ. რამდენიმე წუთის წინ შემადგენლობა გამოცხადდა და გასახდელში შესვლის წინ ოლემ თავის არჩევანზეც ისაუბრა:

"ჩვენ დაახლოებით ისეთივე შემადგნელობით ვართ, როგორც "არსენალთან" მატჩის წინ. მხოლოდ ერთი ცვლილება გავაკეთეთ. გასვლაზე ვთამაშობთ და ვფიქრობ, "არსენალთან" ჩატარებული მატჩი იდეალური მაგალითი იყო იმისა, თუ როგორ უნდა ვითამაშოთ გასვლაზე."

"გარდა ამისა ალექსისი ძირითადში იწყებს და ენტონი სათადარიგოზე გვყავს, ძალიან ძლიერი შემადგენლობაა, ძალიან ძლიერ სათადარიგოთა სკამთან ერთად. იდეალური შეტევის ხაზი გვყავს, თუმცა მინდა დარწმუნებული ვიყო, რომ "ბარნლისთან" დაშვებულ შეცდომას არ გავიმეორებთ და თავიდანვე კარგად დავიწყებთ. ბოლო 10-15 წუთი ფანტასტიკურად ვითამაშეთ და დარწმუნებული მინდა ვიყო, რომ დღეს თავიდანვე ასე დავიწყებთ."

"ლესტერი" ძალიან კარგი გუნდია და მათი შეტევის ხაზი ბრწყინვალეა. ისინი ძალიან ძლიერები, სწრაფები და ენერგიულები არიან. ჩვენ აუცილებლად უნდა ვიზრუნოთ იმაზე, რომ ბურთი ხშირად არ დავკარგოთ და ბევრი კონტრშეტევის საშუალება არ მივცეთ."