პრემიერ ლიგის 25-ე ტურში "ლესტერ სიტიმ" "მანჩესტერ იუნაიტედს" უმასპინძლა, რაც მარკუს რეშფორდისთვის პრემიერ ლიგის ეგიდით ჩატარებულ მატჩებში რიგით მე-100 გამოდგა.
ამ მაჩვენებლით რეშფორდი "მანჩესტერ იუნაიტედის" ისტორიაში მეორე ყველაზე ახალგაზრდა ფეხბურთელად იქცა (21 წლის და 95 დღის), რომელმაც პრემიერ ლიგაში 100 შეხვედრა ჩაატარა.
რეკორდი ლეგენდარულ რაიან გიგზს ეკუთვნის, რომელიც მან 1993 წლის დეკემბერში დაამყარა. ამ დროს ლეგენდარული უელსელის ასაკი 21 წელი და 74 დღე იყო.
საიუბილეო მატჩი გოლით აღნიშნა. ინგლისელმა პოგბას გადაცემით ისარგებლა და გუნდის დაწინაურება მოახერხა, რაც საბოლოოდ გადამწყვეტი გამოდგა. ახალგაზრდა შემტევმა პრემიერ ლიგის 100 შეხვედრაში 26 გოლი გაიტანა და 14 საგოლე გადაცემა მიითვალა.
აღსანიშნავია, რომ მას შემდეგ, რაც რეშფორდის დებიუტი შედგა პრემიერ ლიგაში, "იუნაიტედის" ფეხბურთელებს შორის ყველაზე მეტი გოლი აქვს გატანილი.
ახალი ამბები
7 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.