"მანჩესტერ იუნაიტედიდან" ჟოზე მოურინიოს წასვლის შემდეგ, პოგბას საკითხი თითქოს ხელშეუხებელია. ფრანგმა საბოლოო ჯამში სიმშვიდეც იპოვა და საკუთარი სტატისტიკის გაუმჯობესებაც დაიწყო.

თუმცა, პრესა "ოლდ ტრაფორდიდან" მისი წასვლის შესახებ ინფორმაციებს კვლავ ავრცელებს. კერძოდ, IlBianconero წერს, რომ ტურინელები ნახევარმცველის შეძენით კვლავ ინტერესდებიან.

ზემოხსენებულ წყაროზე დაყრდნობით, პოგბა "იუნაიტედს" იმს შემთხვევაში დატოვებს, თუ ოლე გუნარ სოლსკიაერის შეგირდები სეზონს პრემიერ ლიგის ცხრილის ოთხეულში ვერ დაასრულებენ. პოლს ჩემპიონთა ლიგაზე ასპარეზობა სურს.

2018 წლის მსოფლიო ჩემპიონატის ტრიუმფატორი ფეხბურთელი ტურინელების ღირსებას 2012 წლიდან 2016 წლამდე იცავდა.

მიმდინარე სეზონში 25 წლის ფეხბურთელის პირად აქტივზე 28 ჩატარებულ შეხვედრაში 11 გოლი და 8 საგოლე გადაცემა ირიცხება.


წყარო: euro-football