"მანჩესტერ იუნაიტედის" მოგებების სერია ყველასთვის მოულოდნელად დასრულდა. ოლე გუნარს სულ ცოტა აკლდა პრემიერ ლიგის რეკორდის მოხსნამდე, თუმცა მისმა შეგირდებმა "ოლდ ტრაფორდზე" გამარჯვება ვეღარ მოახერხეს და თამაში ფრედ დასრულდა.
გულშემატკივართა დიდი ნაწილი დამარცხებას ოლე გუნარის არჩევანს, კერძოდ, ანდრეას პერეირას აბრალებს. თუმცა ოლე გუნარმა თავის ინტერვიუში განაცხადა, რომ ახალგაზრდა ნახევარმცველის დაყენება შეცდომა არ ყოფილა და მისი მსგავსი შემთხვევები ყველას მოსდის.
მიუხედავად ამისა, ანდრეას პერეირა ლესტერში გუნდთან ერთად არ გამგზავრებულა. ცოტა ხნის წინ ახალგაზრდა ფეხბურთელმა სოციალურ ქსელში პოსტი გამოაქვეყნა:
ანდრეას პერეირა: "ყველა ეცემა, მაგრამ მხოლოდ სუსტები რჩებიან მიწაზე... იოცნებე და არასდროს დანებდე... გწამდეს შენი თავის და გახსოვდეს, რომ არასდროს არაფერი არ არის მარტივი და არც არასდროს იქნება!"