"მანჩესტერ იუნაიტედს" თებერვლის თვეში დატვირთული გრაფიკი ელის. "წითლებს" პრემიერ ლიგის რთულ შეხვედრებთან ერთად ჩემპიონთა ლიგისა და ინგლისის თასის მატჩებიც ემატებათ "ჩელსისა" და პსჟ-ს წინააღმდეგ.
თუმცა ოლე გუნარ სოლსკიაერის განცხადებით, მის ბიჭებს გამოწვევები არ აშინებთ და ყველა მატჩისთვის მზად არიან.
"ვგრძნობ, რომ გუნდი ძალიან კარგ ფორმაშია. ჩვენ უკვე ექვსი კვირაა ერთმანეთს ვიცნობთ და ძალიან კარგად ვიცით ჩვენი სუსტი და ძლიერი მხარეები. ვფიქრობ, ყველა გამოწვევას უკვე სათანადოდ ვუპასუხეთ და მომავალი გამოწვევებისთვისაც მზად ვართ."
"რა თქმა უნდა, "ბარნლისთან" სათანადო თამაში ვერ ვაჩვენეთ და ორი გოლიც გავუშვით. შესაძლოა, ეს ჩვენთვის კარგი გაკვეთილიც აღმოჩნდეს, რადგან ვფიქრობ, რომ ყველაფერი ძალიან კარგად მიდის."
"მე არ ვფიქრობ, რომ ძალიან დატვირთული გრაფიკი გვაქვს, რადგან თითოეულ თამაშს შორის მაინც გვაქვს ერთ კვირამდე შესვენებები. თუმცა რთული მატჩები გველის, ეს აშკარაა. ჯერ "ლესტერი", შემდეგ "ფულემი" და შემდეგმოდით ასე ვთქვათ დიდი მატჩი - პსჟ, "ჩელსი" და "ლივერპული". სამივე ერთმანეთის მიყოლებითაა."
"ამის შემდგომ "კრისტალ პალასთან" გვიწევს დაპირისპირება, თანაც გასვლაზე. რთული თვეა, მაგრამ ჩვენ მზად ვართ. დიდი შემადგენლობა მყავს. მხოლოდ მარკოს როხო მაკლია. დანარჩენი ყველა მზადაა და ხელმისაწვდომია."