ენტონი მარსიალი, რომელმაც წინა მატჩი ვარჯიშებზე მიღებული ტრავმის გამო გამოტოვა, გუნდთან ერთად იმყოფება.

ლესტერში ასევე პოლ პოგბაც გაემგზავრა. "ბარნლისთან" მატჩის შემდეგ ფრანგმა სტადიონი კოჭლობით დატოვა, თუმცა, როგორც ჩანს, გუნდის ლიდერი კვირის მატჩისთვის ხელმისაწვდომი იქნება.

მარკოს როხო კვლავ ტრავმირებულია. რაც შეეხება კრის სმოლინგს, ის უკვე გამოჯანმრთელებულია და გუნდთან ერთად ვარჯიშობს, თუმცა ფოტოგრაფების თვალსაწიერში ვერ მოხვდა.

გუნდთან ერთად არ იმყოფებოდა ანდრეას პერეირა, რომელიც წინა მატჩის ანტიგმირად მოგვევლინა.

გუნდის სრული წინასწარი განაცხადი:

მეკარეები: დე ხეა, რომერო, გრანტი

მცველები: დალო, ლინდელოფი, ბაიი, შოუ, ჯონსი, იანგი

ნახევარმცველები: ლინგარდი, პოგბა, მატიჩი, ერერა, მატა, ფრედი

თავდამსხმელები: მარსიალი, ლუკაკუ, რეშფორდი, სანჩესი