"მანჩესტერ იუნაიტედი" ზაფხულის სატრანსფერო ფანჯარაზე ინგლისის ამომავალი ვარსკვლავის, ჯეიდონ სანჩოს დამატებას შეეცდება.
როგორც Metro იუწყება, ინგლისური კლუბი ზაფხულში ახალგაზრდა შემტევის დამატებას აპირებს, ტრანსფერისთვის "წითელ ეშმაკებს" £90 მილიონი აქვთ გამოყოფილი. გავრცელებული ინფორმაციით, სანჩოს შეძენით ასევე ჩემპიონთა ლიგაზე "მანჩესტერ იუნაიტედის" მომავალი მეტოქე, პსჟ-ც ინტერესდება.
17-წლამდე მსოფლიოს ჩემპიონი "მანჩესტერ სიტის" აღზრდილი გახლავთ, რომელიც 2017 წლის ზაფხულში დორტმუნდის "ბორუსიას" £7 მილიონად შეუერთდა. ახალგაზრდა შემტევი საუცხოო სეზონს ატარებს, რამაც ბევრი გუნდის ყურადღება მიიპყრო.
ჯეიდონ სანჩო არც საუთგეითს დაუტოვებია უყურადღებოდ, ესპანეთთან და ხორვატიასთან გასამართი მატჩებისთვის ახალგაზრდა ფეხბურთელს ნაკრებშიც უხმო, რითაც ის ისტორიული ფიგურა გახდა, "ბორუსიას" შემტევი 21-ე საუკუნეში დაბადებული პირველი მოთამაშეა, ვინც ინგლისის ნაკრებში გამოიძახეს.
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.