"მანჩესტერ იუნაიტედის" გულშემატკივარმა მარკუს რეშფორდი იანვრის საუკეთესო ფეხბურთელად დაასახელა - მიმდინარე სეზონში მან პირველად მოიგო თვის საუკეთესო ფეხბურთელის ჯილდო.
ინგლისელმა ფორვარდმა გასულ თვეში "იუნაიტედის" რიგებში 6 შეხვედრა ჩაატარა და 3 გოლის გატანა მოახერხა.
მარკუს რეშფორდმა გამოკითხულთა ხმების 38% მიიღო. მეორე ადგილზე გავიდა პოლ პოგბა, რომელსაც ხმების 36% ერგო, ხოლო მესამე ადგილს ვიქტორ ლინდელოფი დასჯერდა 26%-ით.
აღსანიშნავია, რომ ახალგაზრდა ინგლისელი პრემიერ ლიგის იანვრის საუკეთესო ფეხბურთელის და საუკეთესო გოლის ჯილდოსთვის იბრძვის. მის მიერ "ტოტენჰემისა" და "ბრაიტონის" კარში გატანილი გოლები თვის საუკეთესოთა შორის მოხვდა.
თვის საუკეთესო ფეხბურთელად მიმდინარე სეზონში რეშფორდის გარდა სულ ხუთი ფეხბურთელი დასახელდა:
აგვისტო – ლუკ შოუ
სექტემბერი – ლუკ შოუ
ოქტომბერი – ენტონი მარსიალი
ნოემბერი – ვიქტორ ლინდელოფი
დეკემბერი – პოლ პოგბა
ახალი ამბები
4 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.