ენტონი მარსიალს "ოლდ ტრაფორდის" დატოვება ზაფხულში სურდა. ფრანგის აზრით, ის "იუნაიტედში" ვეღარ ვითარდებოდა და მისი კარიერული წინსვლისათვის აუცილებელი იყო რაიმე ახლის ცდა. თუმცა ედ ვუდვორდს მისი შენარჩუნება მუდმივად სურდა.
"იუნაიტედის" ხელმძღვანელობა ფრანგთან მოლაპარაკებებს უკვე დიდი ხანია აწარმოებს. ედ ვუდვორდი იმაზეც იყო თანახმა, რომ მარსიალის კონტრაქტი ერთი წლით გახანგრძლივებულიყო, ამაში ფული გადაეხადა და საბოლოოდ ფრანგს გრძელვადიანი კონტრაქტისთვის მოეწერა ხელი.
როგორც პრესაში იწერება, ედ ვუდვორდის მოლაპარაკებებს უსაფუძვლოდ არ ჩაუვლია და ფრანგი მალე ახალ ხუთწელიწადნახევრიან კონტრაქტს მოაწერს ხელს. როგორც ჟურნალისტები იტყობინებიან, კონტრაქტი მისი გახანგრძლივების 12-თვიან შესაძლებლობასაც მოიცავს.
ენტონი მარსიალის ახალი კონტრაქტი სულ მალე დადასტურდება.
ამასობაში კლუბი ახალ კონტრაქტს ამზადებს დავიდ დე ხეას, ანდერ ერერას, ხუან მატასა და ეშლი იანგისთვის.