"მანჩესტერ იუნაიტედს" პოლ პოგბას ფიზიკურ მდგომარეობასთან დაკავშირებით, შესაძლოა, პრობლემა აღმოაჩნდეს, ვინაიდან "ბარნლისთან" მატჩის შემდეგ ფრანგმა სტადიონი კოჭლობით დატოვა.
პოგბამ მნიშვნელოვანი როლი ითამაშა "ბარნლისთან" მატჩის გადარჩენაში, რამეთუ სწორედ მაინ გაიტანა "იუნაიტედის" პირველი გოლი 88-ე წუთზე, როცა ჯესი ლინგარდზე წესების დარღვევის შედეგად დანიშნული პენალტი გოლად აქცია.
ვიქტორ ლინდელოფმა რამდენიმე წუთში მეორე გოლიც გაიტანა და "წითლებს" ქულის მოპოვებაში დაეხმარა, რაც პირველი ვერ მოგებული მატჩი გამოდგა ოლე გუნარ სოლსკიაერის ხელმძღვანელობის პერიოდში.
"იუნაიტედი" გამარჯვებათა ახალი სერიის დაწყებას კვირას ეცდება, როცა "ლესტერს" ეწვევა სტუმრად, მაგრამ ამ მატჩში პოგბას ყოფნა საეჭვო შეიძლება გამოდგეს.