ოლე გუნარ სოლსკიაერმა თავისი შეგირდები მებრძოლი სულისთვის შეაქო. "წითლებმა" ორი ბურთის სხვაობის შემობრუნება შეძლეს და "ბარნლისთან" ერთი ქულა მოიპოვეს. ოლე გუნარის მოსვლის შემდეგ "იუნაიტედი" პირველად იდგა მატჩის წაგების საშიშროების წინაშე:

ჩვენი პასუხი ბრწყინვალე იყო.

"ჩვენი ქამბექი უბრალოდ ფანტასტიკური იყო. ჩვენ ბედნიერები ვართ, რომ ერთი ქულის მოპოვება შევძელით, თუმცა თამაშის ბოლოს ვიგრძენი, რომ სამი ქულის შესაძლებლობაც გვქონდა. უბრალოდ, დრო არ გვეყო და მეტისმეტად გვიან დავიწყეთ. ძალიან სწრაფად უნდა მომხდარიყო ყველაფერი და ეს უბრალოდ ვეღარ შევძელით. ამ თამაშიდან ბევრი რამ უნდა ვისწავლოთ. თუმცა ერთი ძალიან მნიშვნელოვანი რამ გამოჩნდა - ჩვენ დაბრუნება შეგვიძლია მაშინაც როცა ერთი ბურთით ვაგებთ და მაშინაც როცა სხვაობა ორი ბურთია. ამ პასუხით მე კმაყოფილი ვარ."

"ეს არის "მანჩესტერ იუნაიტედი". ყველამ ვიცით, რომ პირველი 60-70 წუთი შეგვეძლო, რომ გაცილებით უკეთ გვეთამაშა, მაგრამ კიდევ ერთხელ აღვნიშნავ, რომ ჩვენი პასუხი ბრწყინვალე იყო და 87-ე წუთის შემდეგ ორი გოლის გატანა უბრალოდ შესანიშნავია. ეს ჩვენი ხასიათია - არასდროს, არასდროს ვნებდებით. არა, ჩვენ დანებების უფლება არ გვაქვს, არა, სანამ "მანჩესტერ იუნაიტედში" ვართ."

ბევრი მომენტები შევქმენით.

"ყოველთვის უნდა ეძებო მოწინააღმდეგე გუნდის გატეხვის გასაღები. ჩვენ ყველამ ვიცით, რომ ისინი ძლიერები არიან. როცა ისე დავიწყეთ თამაში, როგორც გვჩვევია, ვფიქრობ, რომ მათთვის საშიშები გავხდით. ეშლისთან ერთად ხუანი სწრაფად და მოქნილად გადაადგილდებოდა მოედანზე. ვფიქრობ, ბევრი მომენტი შევქმენით. და კიდევ ერთხელ, ბოლოს ორი მომენტი გოლადაც ვაქციეთ."

სასწავლო პროცესი.

"რომელუმ "ბარნლისთან" ადრე ძალიან კარგად ითამაშა. მას გაუტანია და კარგადაც უთამაშია. რადგანაც ენტონი მარსიალი ტრავმირებული იყო, ჩვენი აზრით, რეშისთან ერთად მისი დაყენება საუკეთესო გამოსავალი გახლდათ. მან რამდენიმე მომენტი მიიღო, მაგრამ დღეს მისი დღე არ იყო."

"ყველა თამაში ჩვენთვის ყველასთვის რაღაცის მასწავლებელია. დღევანდელმა დღემ ძალიან დიდი ინფორმაცია მომცა ყველა ფეხბურთელის შესახებ. რაც შეეხება ანდრეს პერეირას, ის გაცილებით უკეთესი გახდება თანდათანობით, რაც უფრო მეტ გამოცდილებას შეიძენს. ამაზე არ ვსაუბრობ და ამას ტრაგედიად არ ვხდი."

შემართებით ბედნიერი ვარ.

"პასებს ტემპი აკლდა. თუმცა პირველ ტაიმში, ჩემი აზრით, ხუან მატამ ძალიან კარგი მომენტები დაიჭირა და კარგი პოზიციები ეკავა. ბევრი სუფთა მომენტი არ შეგვიქმნია, მაგრამ 75% ბურთს ჩვენ ვფლობდით, ასე რომ ცოტათი მეტი ტემპი და სიძლიერე გვჭირდებოდა."

"ვფიქრობდი, რომ რაღაც მომენტში მესამე გოლსაც გავიტანდით. შენ არასდროს ნებდები, ეს არის ჩვენი დნმ. იმედგაცრუებული ვარ, რადგან სამი ქულა ვერ მოვიპოვეთ, თუმცა ამავდროულად ფანტასტიკურად ბედნიერი ვარ იმ განწყობითა და ატმოსფეროთი რაც ბიჭებში ორი ბურთის გაშვების შემდეგ დატრიალდა."

ჰიტონი შექებას იმსახურებს.

"მაინტერესებს ვინ ასწავლა ტომს ასე მოძრაობა და თამაში. ძალიან კარგად ითამაშა და ეს აუცილებლად უნდა აღვნიშნო. რამდენიმე ფანტასტიკური სეივი გააკეთა. პოლ პოგბამ რამდენიმე კარგი ბურთი დაურტყა, მაგრამ მის წინააღმდეგ ვერაფერს გახდა. ის ძალიან კარგი ბიჭია და შექებას აუცილებლად იმსახურებს."

დღევანდელი დღისგან უნდა ვისწავლოთ.

"რა თქმა უნდა, როცა თამაშს აგებ ყველაფერი ძალიან რთულდება, თუმცა ერთი ქულის მოპოვება მაინც მოვახერხეთ. ამ ყველაფრისგან უნდა ვისწავლოთ და შევძლოთ გაგრძელება. უნდა ვისწავლოთ იმ თამაშების მერე წამოდგომა, რომლებშიც გამარჯვებას ვერ ახერხებ. "


წყარო: ManUtd.com