დღეს ოლეს "იუნაიტედი" რიგით მეცხრე მატჩს ჩაატარებს. მორიგი გამარჯვების შემთხვევაში ოლე გუნარი პრემიერ ლიგის რეკორდს მოხსნის. დღევანდელი "იუნაიტედის" თერთმეტეული შემდეგნაირად გამოიყურება: დავიდ დე ხეა, ეშლი იანგი, ვიქტორ ლინდელოფი, ფილ ჯონსი, ლუკ შოუ, ანდრეას პერეირა, ნემანია მატიჩი, პოლ პოგბა, ხუან მატა, რომელუ ლუკაკუ, მარკუს რეშფორდი. რაც შეეხება სათადარიგოთა სკამს, ის შემდეგმა ფეხბურთელებმა დაიკავეს: ჯესი ლინგარდი, ანდერ ერერა, რომერო, ალექსის სანჩესი, ფრედი, დიოგო დალო, სმოლინგი.
როგორც თავად შეამჩნევდით, შემადგენლობაში არ ჩანს ენტონი მარსიალი. მატჩის დაწყებამდე მიცემულ ინტერვიუში ოლე გუნარმა მისი არყოფნის მიზეზებზე ისაუბრა:
"მარსიალმა მცირედი ტრავმა მიიღო. ვიმედოვნებ, რომ შემდეგი მატჩისთვის დაბრუნდება. დღეს ვერანაირად ვერ ითამაშებდა, ასე რომ მისი პოზიცია ლუკაკუმ დაიკავა."
დღევანდელი მატჩის ძირითად შემადგენლობაში აღმოჩნდა ანდრეას პერეირა, რაც ოლემ შემდეგი მიზეზით ახსნა:
"ვფიქრობ, ანდრეასი ფანტასტიკურად გამოიყურებოდა ვარჯიშებზე. ძალიან მოტივირებული იყო. ის ძალიან იმედგაცრუებული დარჩა "რედინგთან" ჩატარებული მატჩის შემდეგ. ამაზე ცოტაოდენი უკვე ვისაუბრეთ. ანდრეასი ძალიან ბევრს მუშაობდა და ვფიქრობ, რომ შანსს იმსახურებს. ანდერ ერერა სულ სხვა კლასია, მაგრამ ამჯერად ცვლილებების გაკეთება მოგვიწევს."
ახალი ამბები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.