"წითელი ეშმაკების" ესპანელ ნახევარმცველს ხუან მატას კლუბთან მიმდინარე კონტრაქტი სეზონის ბოლოს ეწურება. თავად ფეხბურთელს "ოლდ ტრაფორდის" დატოვება არ სურს, ცნობილია ხელმძღვანელობის პოზიციაც.
ESPN - ის მიერ გავრცელებული ცნობით, კლუბის მენეჯმენტი მზად არის ხუანს ახალი ერთწლიანი კონტრაქტი შესთავაზოს. უცნობია თუ რა მოსაზრებას გამოთქვამს ამის შესახებ თავად ფეხბურთელი მაგრამ ცხადია, რომ ედ ვუდვორდსა და კლუბის მთავარ მწვრთნელს ოლე გუნარს მატას გაშვება არ სურთ.
მიმდინარე სეზონში "იუნაიტედის" გულშემატკივრებისთვის საყვარელმა ფეხბურთელმა 22 - მატჩში 5 - გოლის გატანა შეძლო.
თუმცა უნდა აღინიშნოს ის ფაქტიც, რომ 30 - წლის მატა ძირითადი შემადგენლობის ფეხბურთელად არ განიხილება და ის ძირითადად შეხვედრებს სათადარიგო სკამიდან იწყებს.
ხუანი "ოლდ ტრაფორდზე" 2014 წელს რომან აბრამოვიჩის "ჩელსიდან" გადაბარგდა.