სოლსკიაერს შეუძლია, "პრემიერ ლიგის" ისტორიაში სულ სხვა სახელით შევიდეს.
ოლე გუნარ სოლსკიაერი "პრემიერ ლიგის" დაუჯერებელ რეკორდს მოხსნის, თუ ხვალ "ბარნლის" დაამარცხებს.
ნორვეგიელმა მწრთვნელმა რვა მატჩიდან რვავე მოიგო და ახლა შეუძლია, რომ ინგლისური ფეხბურთის ისტორიაში სულ სხვა სახელით შევიდეს თუ ხვალ "ოლდ ტრაფორდზე" სტუმრებს დაამარცხებს.
მას შემდეგ, რაც სოლსკიაერმა ჟოზე მოურინიოსგან გუნდი გადაიბარა, "პრემიერ ლიგის" ექვსივე მატჩი მოიგო.
ფაქტობრივად, თუ "იუნაიტედი" ხვალაც შეძლებს სამი ქულის მოპოვებას "ბარნლის" წინააღმდეგ, მაშინ ნორვეგიელი რეკორდს მოხსნის და ის პირველი მწრთვნელი გახდება "პრემიერ ლიგის" ისტორიაში, რომელმაც პირველი შვიდი მატჩიდან შვიდივე მატჩი მოიგო.
45 წლის ნორვეგიელი თავისი შედეგით უკვე გაუთანაბრდა კარლო ანჩელოტსა და პეპ გვარდიოლას. მათ ანგარიშზეც პირველი ექვსი მატჩის მოგებაა, თუმცა მას შეუძლია რომ ხვალ უკეთესი შედეგი აჩვენოს.
სოლსკიაერმა გამარჯვებების სერია "კარდიფის" დამარცხებით დაიწყო. "წითლებმა" მასპინძლები 5-1 ანგარიშით დაამარცხეს. ამის შემდეგ ქულები "ჰადერსფილდისა" და "ბორნმუთის" წინააღმდეგ მოიპოვეს.
"ოლდ ტრაფორდზე" ჩატარებული ორი მატჩის შემდეგ "ეშმაკუნებს" "ტოტენჰემსა" და "ბრაიტონთან" სტუმრობა მოუწიათ, თუმცა ქულები არც აქ დაუკარგავთ.
წყარო:
M.E.N.