ლონდონის "ტოტენჰემის" დანიელმა შემტევმა ნახევარმცველმა კრისტიან ერიქსენმა, კარიერა შესაძლოა სხვა ინგლისურ კლუბში გააგრძელოს. იუწყება - Sunday Express.

ზემოაღნიშნული წყარო ასევე იუწყება, რომ მაურისიო პოჩეტინოს ფეხბურთელისთვის, ერთბაშად ორი ინგლისური გრანდი "მანჩესტერ იუნაიტედი" და ლონდონის "ჩელსი" იბრძვიან.

26 წლის ფეხბურთელს, თავის ამჟამინდელ კლუბთან კონტრაქტი 2020 - წლის ზაფხულამდე აკავშირებს. პრესის ფურცლებზე დაყრდნობით, ერიქსენის საკუთარ რიგებში ხილვა "ბარსელონასაც" სურდა, თუმცა კატალონიელებმა ტრანსფერი გადაიფიქრეს.

მიმდინარე სეზონში დანიელმა "დეზების" რიგებში 29 შეხვედრა ჩაატარა, საკუთარ აქტივს კი 6 გოლი და 9 საგოლე გადაცემა შემატა.

ამ ეტაპზე სატრანსფერო ხელშეკრულების დეტალები არ საჯაროვდება.


წყარო: euro-football