ოლე გუნარი არ ელის, რომ ანდრეას პერეირა, მათეო დარმიანი ან რომელიმე სხვა ფეხბურთელი "იუნაიტედს" იანვრის სატრანსფერო ფანჯარაზე დატოვებს.
"ბარნლისთან" გასამართი მატჩის წინ ოლე გუნარმა პრესკონფერენცია ჩაატარა, სადაც იკითხეს რომელიმე ფეხბურთელი ხომ არ დატოვებდა "იუნაიტედს" სატრანსფერო ფანჯრის დახურვამდე, რაზეც ოლემ შემდეგი პასუხი გასცა: "ამ მომენტისთვის ვხედავ, რომ ყველა კლუბში რჩება, რადგან არანაირი მოლაპარაკება არ გვიწარმოებია. რა თქმა უნდა, რამდენიმე დღე ჯერ კიდევ წინაა, მაგრამ მე მოლაპარაკებებში ჩართული არ ვარ, ასე რომ რაც მოხდება, მოხდება."
"კარგი იქნება სატრანსფერო ფანჯრის დახურვა, რადგან შემდგომ ერთადერთი რაზეც ვკონცეტრირდებით საკუთარი თავი, შემადგენლობა, ვარჯიშები და იმ ფეხბურთელების გაუმჯობესება იქნება, ვინც კლუბში დარჩება."
"არ მგონია რომ პერეირა ისევ არენდით გავუშვათ, რადგან ვარჯიშებზე ფანტასტიკურია."
"რაც დავბრუნდი იმის შემდეგ უორენ ჯოისს ხშირად ვესაუბრები, რომელსაც ანდრეასი რეზერვებში ჰყავდა. მე მას აქამდეც ვიცნობდი და მას აქვს პოტენციალი რომ "იუნაიტედში" რამდენიმე მატჩი ითამაშოს სეზონის დასრულებამდე," - განაცხადა სოლსკიაერმა.