ანდერ ერერას კონტრაქტი "ოლდ ტრაფორდზე" ზაფხულში იწურება, თუმცა ის იმედოვნებს, რომ ხელმძღვანელობა "იუნაიტედში" დარჩენის შესაძლებლობას მისცემს.
"არ ვაპირებ, რომ ჩემს კონტრაქტზე ვინმეს დაველაპარაკო. ამჯერად გუნდში ბევრად უფრო სერიზოული საკითხებია მოსაგვარებელი, ვიდრე ჩემი კონტრაქტია, ასე რომ უბრალოდ ყველაფერს ვეცდები, რომ კარგად წარვდგე გულშემატკივრების წინაშე და ჩემი მაქსიმუმი გავაკეთო."
"ჩემი ამჟამინდელი პრიორიტეტი "ბარნლის", "ლესტერის" დამარცხებაა... და თუ ვიმსახურებ ახალ კონტრაქტს, მაშინ მივიღებ. მე არ ვარ ეგოისტი ადამიანი, მე მინდა, რომ გუნდმა რაც შეიძლება მეტი მატჩი მოიგოს და პერსონალურად ჩემს თავზე ზრუნვას ნამდვილად არ ვაპირებ."
ანდერ ერერამ ოლეს შესახებაც ისაუბრა. მისი განცხადებით, ნორვეგიელის მოსვლის შემდეგ კლუბში ბევრი რამ შეიცვალა:
"ოლემ ყველაფერი პირველივე დღიდან მოგვიტანა. მან უბრალოდ გვითხრა, რომ სურს, ვიყოთ გუნდი, რომელიც თამაშს აკონტროლებს, თუმცა ეს ხანდახან შეუძლებელია."
"ხანდახან ჩვენ გვიწევს, რომ თავი დავიცვათ, თუმცა ვიცით, რომ როცა თავს ვიცავთ შესაძლოა უცებ შეტევაში პრობლემა შეგვექმნას. მაგრამ გვყავს ფეხბურთელებიც, რომლებიც ძალიან სწრაფად გადაადგილდებიან ერთ საჯარიმოდან მეორე საჯარიმოში და ეს ძალიან კარგია."