ჯესე ლინგარდმა თამამად გამოაცხადა, რომ მისი კლუბი "ლივერპულს" შემდეგ შეხვედრაში აუცილებლად დაამარცხებს. კლუბების ბოლო დაპირისპირება "ენფილდზე" 3-1 დასრულდა მასპინძელთა სასარგებლოდ, რის გამოც მალე მოურინიოს პოსტი დაატოვებინეს. "იუნაიტედმა" აღნიშნული მატჩის შემდეგ ზედიზედ 8 მოგება დააგროვა და გუნდში უკვე აშკარა თავდაჯერებულობა სუფევს.

ლინგარდი Soccer Am-ს ესაუბრა: "ჩვენი სათამაშო სტილი შეიცვალა. შემდეგ ჯერზე "ლივერპულის" წინააღმდეგ? ჩვენ გავიმარჯვებთ".

"ოლე შესანიშნავად მართავს გუნდს, ის თავისუფლად თამაშის უფლებას გვაძლევს, რაც მთავარი რამაა.
როცა ფეხბურთს თავისუფლად თამაშობ, შენ ღიმილი გეუფლება. სოლსკიაერი ამის ნებას ყოველთვის გვრთავს. ჩვენი მიზანი ახლა შეტევაა, თუ 1 გოლს გავიტანენ, მან იცის რომ ჩვენ ორს გავიტანთ და თამაშს მოვიგებთ".

წყარო:Goal.com