მანჩესტერ იუნაიტედის მწრთვნელი, ოლე გუნარ სოლსკიაერი, აცხადებს, რომ მას დატვირთული გრაფიკი არ ანაღვლებს.
"წითლებს" ჯერ ლონდონში უწევთ გამგზავრება "არსენალთან" დასაპირისპირებლად, ხოლო შემდგომ "ოლდ ტრაფორდზე" "ბარნლის" უმასპინძლებენ.
ამის შემდგომ "იუნაიტედს" ყველაზე რთული მატჩი "ჩემპიონთა ლიგაზე" პსჟ-ს წინააღმდეგ ელის. ხოლო თუ "იუნაიტედი" ან "მანჩესტერ სიტი" "ინგლისის თასის" შემდეგ ეტაპზე გავიდნენ, მაშინ 16 მარტს დაგეგმილი დერბი გადაიდება.
მიუხედავად ამგვარი დატვირთული გრაფიკისა, ოლე გუნარ სოლსკიაერი საერთოდაც არ ღელავს, ის მხოლოდ კონკრეტულ მატჩებზე ახდენს კონცენტრირებას.
"ბარნლსა" და "არსენალთან" გასამართ მატჩებს შორის ჩვენ დრო გავქვს. შეიძლება ითქვას, რომ საკმარისზე მეტიც კი."
"საერთოდ არ ვფიქრობ, რომ პრიორიტეტების დალაგება მომიწევს. ჩვენ დიდი შემადგენლობა გვყავს და, რა თქმა უნდა, ერთი ან ორი ცვლილება იქნება "ემირეითზე", თუმცა არა იმიტომ რომ ერთი მატჩი ჩემთვის მეორეზე უფრო პრიორიტეტულია. პრიორიტეტი მხოლოდ მომდევნო თამაშია. ასე რომ ამ მომენტისთვის მთელი კონცენტრირება ხვალინდელ დღეზე გვაქვს, ხოლო შემდეგ შაბათი, კვირა და ორშაბათი გავქვს. სამი დღე მაინც გვაქვს, ასე რომ ვფიქრობ, "ბარნლისთან" მოსამზადებლად საკმარისზე მეტი დრო გვაქვს."