"არსენალის" მწრთვნელი უნაი ემერი აღიარებს, რომ ოლე გუნარ სოლსკიაერის მოსვლის შემდეგ, "მანჩესტერ იუნაიტედი" უფრო საშიში გახდა.
"წითლებმა" ნორვეგიელის მეთვალყურეობის ქვეშ შვიდივე მატჩი მოიგეს. ყველაზე ღირსშესანიშნავი კი "ტოტენჰემთან" მოპოვებული გამარჯვება გახლდათ.
"იუნაიტედი" "პრემიერ ლიგაში" "არსენალს" ქულებით გაუთანაბრდა, ოთხეულისგან კი მხოლოდ სამი ქულა აშორებთ. შეგახსენებთ, რომ ბოლო ცხრა თამაშში "მეთოფეებმა" ოთხი მატჩი მოიგეს.
"ახლა სრულიად განსხვავებულ გუნდს ხედავთ. იგივე ფეხბურთელებით, მაგრამ სრულიად განსხვავებული, ბევრად უფრო დიდებული თამაშით."
"ვუყურე მათ ბოლო მატჩებს და შემიძლია ვთქვა, რომ თითოეულ ფეხბურთელს თავდაჯერებულობა შეემატა, საოცრად თამაშობენ და ახლა ძალიან, ძალიან საშიშები არიან. ჩვენთვის ეს კარგია, რადგან ჩემპიონატისთვის ყველაზე დიდი ტესტია."
"მანჩესტერ იუნაიტედს" და ჩვენ 20 "ინგლისის თასის" ფინალი გვაქვს ნათამაშები. მათ თორმეტი მოიგეს, ჩვენ კი - ცამეტი. ეს ამ ჩემპიონატის საუკეთესო მატჩია."
"მოუთმენლად ველით პარასკევს. ჩვენ მათ ჩვენს სტადიონზე და ჩვენი გულშემატკივრების წინაშე ვხვდებით. ბუნებრივია, "ემირეითზე" თავს ძალიან კარგად ვგრძნობთ და გვსურს, რომ საოცარი ატმოსფერო შევქმნათ და გულშემატკივარს ლამაზი სანახაობა ვაჩუქოთ."