ანდერ ერერამ ოლე გუნარ სოლსკიაერის შესახებ ისაუბრა. მისი განცხადებით, ის და დანარჩენი ფეხბურთელები ძალიან ბედნიერნი არიან ნორვეგიელის გუნდში მოსვლით.

„მისი მოსვლის პირველივე დღიდან ერთი მარტივი ფილოსოფიის გატარებას ცდილობს: „ეს „მანჩესტერ იუნაიტედია“ და თქვენ ვალდებული ხართ, ხალხს დაანახოთ, რომ „მანჩესტერ იუნაიტედის“ ფეხბურთელები ხართ!“

„მან მოგვთხოვა, რომ ეს ყველასთვის დაგვენახებინა და ჩვენ ბურთი ყველაზე რთულ სიტუაციებშიც კი შეგვენარჩუნებინა. ვფიქრობ, ეს მოვახერხეთ. მაგალითად, „ნიუკასლთან“ ძალიან რთული გარემოა ჩვენთვის. ისინი ყოველწლიურად გველიან და მუდმივად აქვთ იმედი ჩვენი დამარცხების, მაგრამ მგონია, რომ გუნდმა, საერთო ჯამში, დავალებას კარგად გაართვა თავი და განსაკუთრებით მეორე ტაიმში ძალიან კარგი მატჩი ვაჩვენეთ.“

„მისი მიდგომები ძალიან კარგია, ყველა ბედნიერია და „ოლდ ტრაფორდზე“ მოსვლით ბევრი პოზიტივი შემოიტანა. მან იცის, რას ნიშნავს „მანჩესტერ იუნაიტედი“ და სურს, რომ ფეხბურთელებსაც გააგებინოს ეს. ჩვენ უკვე მე-7 მატჩი მოვიგეთ ზედიზედ და მეტს ვერაფერს მოვითხოვთ, თუმცა არ უნდა შევჩერდეთ და თებერვლის დატვირთულ პერიოდს მომზადებულები შევხვდეთ.“

„ჩვენი შემტევი ფეხბურთელები საოცრად თამაშობენ. ისინი მუდმივად საჯარიმოს მიმდინარე ტერიტორიაზე მოძრაობენ და ბევრ მომენტებს ქმნიან. ჩვენ მოწინააღმდეგის დამარცხებას მუდმივად ვახერხებთ, რაც ძალიან გვაბედნიერებს. თუმცა არ უნდა დაგვავიწყდეს, რომ ეს მხოლოდ 7 თამაშია და აუცილებელია, რომ ბალანსი შევინარჩუნოთ, მოგებების სერია განვაგრძოთ და უბრალოდ ვითამაშოთ ისე, როგორც ახლა ვთამაშ`ბთ. ვფიქრობ, წინ რთული პერიოდი გველის, ვნახოთ, როგორ შეხვდება ამ ყველაფერს გუნდი და როგორ გააგრძელებს ამ რთულ პერიოდთან ბრძოლას.“

შაბათს ჩატარებული პრესკონფერენციის შემდეგ, ოლე გუნარმა ანდერ ერერას შესახებ ისაუბრა. მისი განცხადებით, ის უკვე დიდი ხანია ერერას აფასებს:

„ყოველთვის მსიამოვნებდა ანდერის ყურება. ის ძალიან კარგად წარდგა ჩვენ წინაშე ჯერ კიდევ „ბილბაოს ატლეტიკში“ და მაშინვე მიიპყრო ჩემი ყურადღება. ამის შემდეგ კი „ოლდ ტრაფორდზე“ გადმოვიდა.“


წყარო: ManUtd.com