თბილისი:
მანჩესტერი:
22-01-2019, 17:56
ავტორი: RedGirl,
ნანახია: 2342,
კომენტარები: 9
„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს
ოლე გუნარი მწრთვნელის რანგში.
„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს
„იუნაიტედის“ მთავარ პრინციპს ყოველთვის ლამაზი და შემტევი ფეხბურთის თამაში წარმოადგენდა. სწრაფი შეტევები ფლანგებიდან, გრძელი გადაცემები, ფეხზე წამომდგარი გულშემატკივარი, ბოლო წუთამდე გამარჯვების იმედი... ეს ყველაფერი ჯერ კიდევ სერ მეტ ბასბის დროიდან დაიწყო. შოტლანდიელმა სწრაფ ფეხბურთთან ერთად „იუნაიტედს“ კიდევ ერთი დამახასიათებელი თვისება დაუტოვა - აკადემიელების აღზრდა „იუნაიტედის“ ხასიათით და შემდგომ მათი ვარსკვლავებად ქცევა.

„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს

სერ მეტ ბასბის გზას გაჰყვა სერ ალექს ფერგიუსონიც. 27 წლის განმავლობაში, გულშემატკივარს სანახაობა არ მოკლებია, თუმცა სწორედ 2013 წელს „იუნაიტედი“ გასაჭირში ჩავარდა და მისი ხსნა ვერავინ შეძლო.

მოურინიოს ერის ბოლო ერთი წელი ყველაზე რთული აღმოჩნდა. გულშემატკივარი თავადაც ვერ ხვდებოდა რა უფრო აბრაზებდა, დაცვითი სტილის ტაქტიკა და დაკარგული „იუნაიტედი“, თუ „წითლების“ წარუმატებლობა.

„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს

ოლე გუნარი „იუნაიტედის“ ისტორიაში „ოქროს ცვლილებად“ იყო ცნობილი. „იუნაიტედმა“ ტრადიციებს არ უღალატა და სწორედ მაშინ, როცა ყველაზე მეტად უჭირდა, თავისი „ოქროს ცვლილება“ გამოიყენა და „ოლდ ტრაფორდს“ ოლე გუნარ სოლსკიაერი დაუბრუნა.

ერთი შეხევდით, მისი შედეგები შთამბეჭდავია. ნორვეგიელი წაუგებელი სერიით გამოირჩევა. მან პირველი შვიდი მატჩიდან შვიდივეს მოგება შეძლო. ოლე გუნარ სოლსკიაერი ძალიან ახლოს არის „პრემიერ ლიგის“ რეკორდის მოხსნასთან, რომელიც პირველი შვიდი მატჩის მოგებას გულისხმობს. პირველი ექვს თამაშში მოპოვებული გამარჯვებით კი, ის უკვე გაუთანაბრდა ანჩელოტსა და გვარდიოლას.

ყველაზე მთავარი და მნიშვნელოვანი, რაც ოლე გუნარმა გააკეთა, სხვებისთვის მარტივი რამ იყო - ფეხბურთელებში ჩასახა რწმენა, თავდაჯერებულობა, მისცა მათ ცოტაოდენი თავისუფლება და ასწავლა თუ როგორ უნდა მიეღოთ სიამოვნება ფეხბურთისგან. შედეგი ფეხბურთელებსაც დაეტყოთ - ისინი ბევრად უფრო გახსნილად თამაშობდნენ და თითოეულ მათგანს ეტყობოდა, რომ ბედნიერი იყო. ეს სწორედ ის იყო, რაც „მანჩესტერ იუნაიტედს“ ყველაზე მეტად სჭირდებოდა.

თუმცა, რა თქმა უნდა, ეს შედეგი მხოლოდ მოტივაციის ამაღლების დამსახურება არ არის. ოლე გუნარი ჯერ კიდევ სერ მეტ ბასბის შექმნილ ფილოსოფიას მიჰყვა და ეცადა, რომ „იუნაიტედი“ შეტევაში უფრო საშიში გაეხადა. ასეც მოხდა - ფეხბურთელები მეტს დარბიან, შეტევაში ხშირად ჩადიან, მხოლოდ რამდენიმე წამი სჭირდებათ ერთი საჯარიმოდან მეორეში გადასაადგილებლად და თითოეული ბურთისთვის იბრძვიან. შედეგად, „იუნაიტედმა“ შვიდ მატჩში 17 გოლის გატანა შეძლო და მხოლოდ 5 ბურთი გაუშვა. აქედან, სამ მატჩში კარის მშრალად შენახვა მოახერხა. „წითლების“ გოლების საშუალო რაოდენობა თითოეულ თამაშში 2,4-ია, მაშინ, როცა მოურინიოს დროს „იუნაიტედის“ მაჩვენებელი 1,7-ს შეადგენდა. გარდა ამისა, მოურინიოს ხელმძღვანელობისას „იუნაიტედი“ თითქმის ვერასდროს აკონტროლებდა თამაშს. ისინი არათანმიმდევრულ ფეხბურთს თამაშობდნენ და გოლებიც შემთხვევით გადიოდა, რასაც ვერ ვიტყვით სოლსკიაერის „იუნაიტედზე“. თითქოს, ზემოთ ჩამოთვლილი ცვლილებებიდან არცერთი არაა განსაკუთრებული, მაგრამ „იუნაიტედს“ ამ მომენტში სწორედ ჩვეულებრივი, მარტივი მიდგომები სჭირდება.

ნორვეგიელმა პირველი ხუთი მატჩიდან ხუთივე მატჩი მოიგო, თუმცა მის შესაძლებლობებზე საუბარი თავდაპირველად ძალიან რთული იყო, რადგან, რეალურად, მას გაუმართლა და მარტივი მეტოქეები შეხვდა: „კარდიფი“, „ჰადერსფილდი“, „ბორნმუთი“, „ნიუკასლი“, „რედინგი“... ხუთივე მატჩი გულშემატკივრებისთვის სასიამოვნო სანახავი იყო - გრძელი გადაცემები, სწრაფი შეტევები, უხვი გოლები... ნორვეგიელმა მისი ნამდვილი შესაძლებლობები „უემბლიზე“ აჩვენა.

„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს

თუმცა თავად სოლსკიაერი მიიჩნევს, რომ მის ბიჭებს გამოცდები ყოველ მატჩში ჰქონდათ ჩასაბარებელი, ნამდვილი გამოცდა „ოლეს ჩვილებს“ „უემბლიზე“ ელოდათ. მატჩის ბედი, თითქოს, თავიდანვე გადაწყვეტილი იყო, თუმცა „იუნაიტედმა“ ყველასთვის მოულოდნელი შედეგი დადო და „უემბლიდან“ სამი ქულა წამოიღო. შესაძლოა, ბევრი ვისაუბროთ პირველ ტაიმზე, შექმნილ მომენტებზე, გატანილ გოლზე, დე ხეას სეივებზე, მაგრამ თავს ვერ ავარიდებთ „იუნაიტედის“ ყველაზე დიდ პრობლემას - დაცვის ხაზს. ყველასთვის ნათელია, რომ არა ესპანელი მეკარე, „იუნაიტედი“ გამარჯვებას ვერ მოახერხებდა. რა თქმა უნდა, როგორც ოლემ განაცხადა, „ფეხბურთში აკრძალული არ არის კარგი მეკარის ყოლა“, თუმცა ეს არგუმენტი დაცვაში არსებულ პრობლემებზე თვალს ვერ დაგვახუჭინებს. დაცვის ცენტრში, ფაქტობრივად, არავინ დგას. ისინი შეცდომას შეცდომაზე უშვებენ და არასდროს არიან პოზიციურად იქ, სადაც უნდა იყვნენ. ოლე გუნარის ბოლოდროინდელი განცხადებით, სამწუხაროდ, „იუნაიტედი“ იანვრის სატრანსფერო ფანჯარაზე არავის დამატებას არ აპირებს. „წითლებს“ კი მაღალი დონის მცველის გარეშე სეზონის დარჩენილი ნაწილის ჩატარება ძალიან გაუჭირდებათ.

„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს

ოლე გუნარის წარმატების კიდევ ერთი საიდუმლო ფეხბურთელებთან ინდივიდუალური მიდგომებია. სწორედ ამ მუშაობის შედეგია პოლ პოგბას საოცარი სტარტი ნორვეგიელის მოსვლის შემდეგ, რომელმაც საერთო ჯამში შვიდ მატჩში ხუთი გოლის გატანა და ოთხი ასისტის გაკეთება მოახერხა. მარკუს რეშფორდი - რომელიც თამაშსა და მომენტების დაბოლოებას უკვე მთლიანად თავის თავზე იღებს. „იუნაიტედს“ სჭირდებოდა ერთი ასეთი ფეხბურთელი, ეს ტვირთი კი ახალგზრდა ფორვარდმა იტვირთა და სწორედ მან მოახერხა გამარჯვების გოლის გატანა „ტოტენჰემთან“.

ნორვეგიელმა „წითლები“ მოედნის თითქმის ყველა ნაწილში გარდაქმნა. ფორვარდებისა და ნახევარმცველების გარდა, დაცვაშიც შეიმჩნევა პოზიტიური ცვლილებები. ეშლი იანგი და ლუკ შოუ ძალიან ხშირად იწევენ მეტოქის ნახევარზე და ფლანგებიდან საშიში შეტევები სწორედ მათგან იწყება.

გარდა ამისა, ოლე გუნარი აქტიურად ცდილობს აკადემიელების მატჩებში ჩართვას. შეგახსენებთ, რომ სკოტ მაკტომინეისა და ჩონგს თამაშის შესაძლებლობა უკვე მისცა, ხოლო გარნერს სულ მალე ჰპირდება სათამაშო დროს. აკადემიელებისთვის ყურადღების მიქცევა და შანსის მიცემა აუცილებელია, რადგან ახალგაზრდა ფეხბურთელებს მოტივაცია ემატებათ და იციან, რომ შრომის შედეგად „ოლდ ტრაფორდზე“ შეძლებენ თამაშს.

ოლე გუნარი, როგორც უკვე აღვნიშნეთ, ახლაც სათადარიგო სკამებიდან შევიდა მოედანზე და წაგებული სეზონის შემოტრიალებას ცდილობს. ნორვეგიელს დღითიდღე უფრო და უფრო რთული ამოცანების გადაწყვეტა უწევს. პრესაში აქტიურად იწერებოდა პოჩეტინოს მოსვლის შესახებ, თუმცა თავად მაურისიოს განცხადებით, ის „ტოტენჰემში“ დიდხანს აპირებს დარჩენას. საინტერესოა, შეძლებს თუ არა ნორვეგიელი ადგილის შენარჩუნებას კლუბში. გარი ნევილის აზრით, „ამისათვის მას „ჩემპიონთა ლიგის“ ტიტულის აღმართვა მოუწევს, „იუნაიტედს“ კი შესაბამისი დონის ფეხბურთელები არ ჰყავს.“

„ოქროს ცვლილება“ - ოლე გუნარი ზედმეტსახელს მწრთვნელის რანგშიც ამართლებს

ოლე გუნარზე ფერგიუსონის გავლენა აშკარაა და ეს ბუნებრივიცაა. ის თხუთმეტი წელი იყო სერ ალექსის გვერდზე, ცამეტი, როგორც ფეხბურთელის, ხოლო ორი, როგორც დამხმარე მწრთვნელის რანგში. შესაბამისად, ბუნებრივია, რომ ნორვეგიელი შოტლანდიელის სტილით ითამაშებს და ეს ასეც უნდა იყოს, რადგან, ფაქტობრივად, ფერგიუსონმა შექმნა „იუნაიტედი“. ოლე გუნარი ყველასთვის წარმოუდგენელ შედეგებს დებს. მისი შესაძლებლობები დაამტკიცა „პრემიერ ლიგის“ მესამე ადგილზე მყოფ გუნდთან, „ტოტენჰემთანაც“.

წინასწარ მის დარჩენასა და წასვლაზე საუბარი რთულია. აშკარაა, რომ ნორვეგიელს შეუძლია პოზიტიური ცვლილებები მოუტანოს გუნდს, თუმცა მთავარი გამოცდები ჯერ კიდევ წინ აქვს. „ჩემპიონთა ლიგა“, „არსენალი“, „ლივერპული“, „მანჩესტერ სიტი“, „ჩელსი“... მხოლოდ მსგავს მატჩებში შეიძლება ითქვას რეალურად რა შეუძლია ოლე გუნარს. თუმცა ერთი რამ აშკარაა, მსოფლიო დონის ფეხბურთელებისა და განსაკუთრებით კარგი და გამოცდილი მცველების გარეშე, „იუნაიტედს“ ნებისმიერი მწრთვნელის ქვეშ გაუჭირდება თამაში.
სტატიები
9 კომენტარი
№1
ავტორი: holandieli mfrinavi
22 იანვარი 2019 18:03
  • სიახლეები: 0
  • კომენტარები: 42
ავტორს დიდი მადლობა, უკვე მერამდენედ ასეთი დიდი სტატია და ასე შინაარსობრივად დალაგებული,

მიყვარს მანიუ და ეს საიტი უკვე ყოველდღიურ გადასაკითხად მექცა
5
№2
ავტორი: mishiko1
22 იანვარი 2019 19:04
  • სიახლეები: 0
  • კომენტარები: 228
ფეხბურთელების დამატება აუცილებელია თორემ ამ შემადგენლობით შორს ვერ წავალთ ლიგაზე ძალიან გაგვიჭირდება ამ დაცვით, ნახევარ დაცვაში გვინდა გაძლიერება.
0
№3
ავტორი: ikeoni
22 იანვარი 2019 19:37
  • სიახლეები: 0
  • კომენტარები: 11418
Madloba avtors saintereso statiistvis
0
№4
ავტორი: SANDROGRIGA
22 იანვარი 2019 22:59
  • სიახლეები: 1
  • კომენტარები: 11124
იმედია ოქროს ცვლილება იმხელა გარდატეხას შეიტანს რო თამაშის ბოლომდე დარჩება :)
0
№5
ავტორი: stepno
22 იანვარი 2019 23:27
  • სიახლეები: 0
  • კომენტარები: 4336
araa gamoricxuli ligaze saswauli moaxdinos olem da tasic avgmartot
0
№6
ავტორი: shotkin
23 იანვარი 2019 01:04
  • სიახლეები: 6
  • კომენტარები: 4065
ციტატა: stepno
araa gamoricxuli ligaze saswauli moaxdinos olem da tasic avgmartot

ეგეთი სასწაულებიც არ ხდება ჩემიაზრით, ჯერ ლიგის მოგებმადე ბევრი გვაკლია ნუ გუნდი როგორც ასეთი ბოლომდე არარის ისეთი სეკრული და შეთამაშებული რო ეს მოხდეს, ალაგალაგ ამას ხელს უშლის დაბალი დონის ფეხბურთელები და კიდე სხვა საკითხები ნუ ფრანგებს თუ გავცდით ჩათვალეთ ეგ უკვე ძლაინ ძალიან დიდი მიღეწვაა ამეტაპზე იმიტორო ის გუნდი ასე თუისე ბევრად გამოცდილია ვიდრე ჩვენი და უფრო შეკრული კამანდაა ბევრად, სასწაულს დავარქმევდი ნახევარფინალში გასვლას ძალიან მინდა ლიგა მოიგოს მარა ისეთი დაცვა გვყავს რო აი შანსია რაა რა, ბაილი ტრანვების პონტში არასტაბილურია ცალკე ლინდელოფი არარის ვანდეიკი და ჯონსი და სმოლონგი იცით რაცარიან + დალოს იმედად რთულია ყოფნა ვალენსიას ხსენბაც არ ღირს და შოუ კიდე არარის ის რაც უნდა იყოს ჯამში ვიღებთ გამოუცდელ სეუთამაშებელ არაბალანსირებულ დაცვას და ესეთი გუნდი ლიგას ვერ მოიგებს , უბრალოდ ისოტრიას არ ახსოვს ალბათ ასეთი დაცვით ლიგის მომგები გუნდი + ცალკე თემაა კიდე სხვა ფაქტორები უბრალოდ იმის თქმა მინდა რო სულ რო ყველაფერში გაგვიმაღთლოს დაცის სისუსტეებს ვერსად გავექცევით და მარტო მაგიტო წავაგებთ სამწუხაროდ
0
№7
ავტორი: რეალისტი
23 იანვარი 2019 15:01
  • სიახლეები: 0
  • კომენტარები: 164
ციტატა: shotkin
ციტატა: stepno
araa gamoricxuli ligaze saswauli moaxdinos olem da tasic avgmartot

ეგეთი სასწაულებიც არ ხდება ჩემიაზრით, ჯერ ლიგის მოგებმადე ბევრი გვაკლია ნუ გუნდი როგორც ასეთი ბოლომდე არარის ისეთი სეკრული და შეთამაშებული რო ეს მოხდეს, ალაგალაგ ამას ხელს უშლის დაბალი დონის ფეხბურთელები და კიდე სხვა საკითხები ნუ ფრანგებს თუ გავცდით ჩათვალეთ ეგ უკვე ძლაინ ძალიან დიდი მიღეწვაა ამეტაპზე იმიტორო ის გუნდი ასე თუისე ბევრად გამოცდილია ვიდრე ჩვენი და უფრო შეკრული კამანდაა ბევრად, სასწაულს დავარქმევდი ნახევარფინალში გასვლას ძალიან მინდა ლიგა მოიგოს მარა ისეთი დაცვა გვყავს რო აი შანსია რაა რა, ბაილი ტრანვების პონტში არასტაბილურია ცალკე ლინდელოფი არარის ვანდეიკი და ჯონსი და სმოლონგი იცით რაცარიან + დალოს იმედად რთულია ყოფნა ვალენსიას ხსენბაც არ ღირს და შოუ კიდე არარის ის რაც უნდა იყოს ჯამში ვიღებთ გამოუცდელ სეუთამაშებელ არაბალანსირებულ დაცვას და ესეთი გუნდი ლიგას ვერ მოიგებს , უბრალოდ ისოტრიას არ ახსოვს ალბათ ასეთი დაცვით ლიგის მომგები გუნდი + ცალკე თემაა კიდე სხვა ფაქტორები უბრალოდ იმის თქმა მინდა რო სულ რო ყველაფერში გაგვიმაღთლოს დაცის სისუსტეებს ვერსად გავექცევით და მარტო მაგიტო წავაგებთ სამწუხაროდ

ასეთი “სასწაული” მართლაც ძაან იშვიათია ყველაფერში ვეთანხმები შოტკინს, ჩვენთვის მთავარი მიზანია 4 ეული!
0
_ _ _ _ _ _ _ _ _ _ _ _ _ _ _ _ _ _ _ _ "დამარცხება აუცილებლად უნდა გამოსცადო, რათა მან წარმატებისკენ გზა დაგანახოს". - უეინ რუნი.
№8
ავტორი: stepno
23 იანვარი 2019 22:10
  • სიახლეები: 0
  • კომენტარები: 4336
ციტატა: რეალისტი
ციტატა: shotkin
ციტატა: stepno
araa gamoricxuli ligaze saswauli moaxdinos olem da tasic avgmartot

ეგეთი სასწაულებიც არ ხდება ჩემიაზრით, ჯერ ლიგის მოგებმადე ბევრი გვაკლია ნუ გუნდი როგორც ასეთი ბოლომდე არარის ისეთი სეკრული და შეთამაშებული რო ეს მოხდეს, ალაგალაგ ამას ხელს უშლის დაბალი დონის ფეხბურთელები და კიდე სხვა საკითხები ნუ ფრანგებს თუ გავცდით ჩათვალეთ ეგ უკვე ძლაინ ძალიან დიდი მიღეწვაა ამეტაპზე იმიტორო ის გუნდი ასე თუისე ბევრად გამოცდილია ვიდრე ჩვენი და უფრო შეკრული კამანდაა ბევრად, სასწაულს დავარქმევდი ნახევარფინალში გასვლას ძალიან მინდა ლიგა მოიგოს მარა ისეთი დაცვა გვყავს რო აი შანსია რაა რა, ბაილი ტრანვების პონტში არასტაბილურია ცალკე ლინდელოფი არარის ვანდეიკი და ჯონსი და სმოლონგი იცით რაცარიან + დალოს იმედად რთულია ყოფნა ვალენსიას ხსენბაც არ ღირს და შოუ კიდე არარის ის რაც უნდა იყოს ჯამში ვიღებთ გამოუცდელ სეუთამაშებელ არაბალანსირებულ დაცვას და ესეთი გუნდი ლიგას ვერ მოიგებს , უბრალოდ ისოტრიას არ ახსოვს ალბათ ასეთი დაცვით ლიგის მომგები გუნდი + ცალკე თემაა კიდე სხვა ფაქტორები უბრალოდ იმის თქმა მინდა რო სულ რო ყველაფერში გაგვიმაღთლოს დაცის სისუსტეებს ვერსად გავექცევით და მარტო მაგიტო წავაგებთ სამწუხაროდ

ასეთი “სასწაული” მართლაც ძაან იშვიათია ყველაფერში ვეთანხმები შოტკინს, ჩვენთვის მთავარი მიზანია 4 ეული!

ეეჰ ბიჭებოო მეც კი გეთანხმებით როგორ არ დაგეთანხმოთ მაგრამ ოპტიმისტი ვარ საოცარი ;დდ არარეალურად რო ჩანს ეგ ყველაფერი ფატქია და სმოლინგის და ჯონსის შემხედვარე თუნდაც გამოუცდელი ბაილის ბებერი იანგის და ვალენსიის შემხედვარე ძნელია ივარაუდო რომ მბაპეს ნეის და კავანს გააჩერებ
0
№9
ავტორი: Shota Blues
25 იანვარი 2019 19:37
  • სიახლეები: 0
  • კომენტარები: 203
ციტატა: holandieli mfrinavi
ავტორს დიდი მადლობა, უკვე მერამდენედ ასეთი დიდი სტატია და ასე შინაარსობრივად დალაგებული,

მიყვარს მანიუ და ეს საიტი უკვე ყოველდღიურ გადასაკითხად მექცა

გიერთდები ძმაო!
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

შემოგვიერთდი

წინა მატჩები

პრემიერ ლიგა

ჩამოშლა

შემოგვიერთდი

ყველა უფლება დაცულია

© MANUTD.GE 2012

Top