"იუნაიტედის" იტალიელი მარჯვენა მცველი მატეო დარმიანი "მანჩესტერული" კარიერის დასრულებასთან ძალიან ახლოსაა - იუწყება Tuttomercatoweb.
მატეო "იუნაიტედის" გეგმებში ჯერ კიდევ ჟოზე მოურინიოს დროს არ შედიოდა, თუმცა რატომღაც ფეხბურთელმა ზაფხულში კლუბის დატოვება გადაიფიქრა.
მარჯვენა მცველის მიმართ ინტერესს მასიმილიანო ალეგრის "იუვენტუსი" იჩენს. ტურინელებს 29 - წლის უკანახაზელი არენდის წესით სურთ, კონტრაქტის სავარაუდო ვადები კი ნახევარ წელს შეადგენს, ხოლო საბოლოო ჯამში იტალიურ გრანდს მისი გამოსყიდვის საშუალებაც ექნება.
მიმდინარე სეზონში დარმიანმა "იუნაიტედის" რიგებში სულ რაღაც 6 შეხვედრა ჩაატარა. ტრანსფერმარკეტი ფეხბურთელს 10 მილიონ ევროდ აფასებს.