"მანჩესტერ იუნაიტედის" ყოფილი მცველის განცხადებით, ესპანელი დანიელს ბევრად სჯობს. რიო ფერდინანდმა აღიარა, რომ თუ ოდესმე არჩევანის გაკეთება მოუწევდა, შმეიხელს დე ხეას ამჯობინებდა.
დე ხეა საოცარ მატჩებს ატარებს და და მისი უმაღლესი კლასი "ტოტენჰემთან" კიდევ ერთხელ დაამტკიცა. საერთო ჯამში, ესპანელმა ამ მატჩში 11 სეივი განახორციელა.
ესპანელის კონტრაქტს ვადა 2020 წელს ეწურება, თუმცა, როგორც პრესაში იწერება, ჟოზე მოურინიოს წასვლის შემდეგ დე ხეა მზად არის ახალ ხელშეკრულებას მოაწეროს ხელი.
"მადრიდის ატლეტიკოს" ყოფილი მეკარე ინგლისში 19 მილიონი ფუნტი სტერლინგის სანაცვლოდ გადავიდა 2011 წელს. თავდაპირველად, პრესაში მის ტრანსფერს კრიტიკის ქარ-ცეცხლი მოჰყვა, თუმცა დროთა განმავლობაში ესპანელი "იუნაიტედის" სასიცოცხლო ფიგურად იქცა.
რაც შეეხება შმეიხელს, მან "იუნაიტედის" მასიურით 398 მატჩი ჩაატარა, ერთხელ გოლის გატანაც კი მოახერხა. საერთო ჯამში კი ხუთი ლიგის ტიტული და ერთი ჩემპიონთა ლიგის თასი მოიგო.
თუმცა ფერდინანდი, რომელმაც "ოლდ ტრაფორდზე" 12 წელი გაატარა, მიიჩნევს, რომ დავიდ დე ხეა პიტერ შმეიხელზე უკეთესია.
როდესაც "ტვიტერზე" მას არჩევანის გაკეთება მოუწია მარტივი პასუხი გასცა:
"ხმამაღალი განაცხადია, მაგრამ მე დე ხეას ვირჩევ!"წყარო:
Goal.com