უეინ რუნი დაჟინებით აცხადებს, რომ კრიშტიანო რონალდუსა და ლიონელ მესის წარმატების ყველაზე დიდი საიდუმლო მათთვის მიცემული თავისუფლებაა. რომ არა ეს თავისუფლება, ისინი ასეთ დიდებულ ფეხბურთელებად ვერ ჩამოყალიბდებოდნენ.
"ვფიქრობ, არავისთვის იყო სასიამოვნო "მანჩესტერ იუნაიტედის" ყურება ბოლო ერთი წლის განმავლობაში. ჩვენ ყველა ვამჩნევდით, რომ ფეხბურთელები ბედნიერები არ იყვნენ."
"ისინი მთავარს ვერ იღებდნენ ამ ყველაფრისგან - სიამოვნებას. ოლეს მოსვლის შემდეგ კი ყველაფერი შეიცვალა. მან ერთი მნიშვნელოვანი რამ უთხრა ბიჭებს: "მიდით და ითამაშეთ, შედით მოედანზე და მაქსიმალურად გამოხატეთ საკუთარი თავი, მაქსიმალური სიამოვნება მიიღეთ ამ ყველაფრისგან."
"თუნდაც რომ ავიღოთ რონალდუსა და მესის შემთხვევა. თქვენ თუ მიხვალთ მათთან და ეტყვით: აქ უნდა ითამაშო, იქ უნდა ითამაშო, ეს უნდა გააკეთო, ზუსტად ის უნდა გააკეთო... იცით რა მოხდება? ისინი უბრალოდ ვეღარ იქნებიან იმავე დონის ფეხბურთელები."
"როდესაც "მანჩესტერ იუნაიტედში" თამაშობ, ეს იმას ნიშნავს, რომ შენ უკვე საკმარისად კარგი ხარ და ძალიან კარგად იცი, თუ როგორ უნდა წარმართო მატჩი. რა თქმა უნდა, რაღაც პატარა დეტალები გჭირდება, თუმცა ყველაზე მნიშვნელოვანი საკუთარი თავის გამოხატვა და ამ თამაშიდან მაქსიმალური სიამოვნების მიღებაა,"- განაცხადა რუნიმ.