ოლე გუნარ სოლსკიაერის მოსვლის შემდგომ "მანჩესტერ იუნაიტედი" საოცარ შედეგებს აჩვენებს. ნორვეგიელის მოსვლის შემდეგ, "იუნაიტედმა" შვიდი მატჩიდან შვიდივე მოიგო. დღეს "იუნაიტედმა" "ბრაიტონს" უმასპინძლა და მოპოვებული შედეგით ოთხეულამდე ქულათა სხვაობა სამამდე დაიყვანა.
"ვფიქრობ, საწუწუნო არაფერი მაქვს. თქვენ რას იტყვით? მე უბრალოდ ფართოდ ვიღიმი და ეს არის ის, რაც მთელი ჩემი ცხოვრების განმავლობაში მემახსოვრება. მხოლოდ ერთი თვე გავიდა, რაც აქ ვარ. სასწაული გრძნობაა "ოლდ ტრაფორდზე" ყოფნა. სულ სხვა კლასია," - განაცხადა გამარჯვებულმა ოლე გუნარმა.
მატჩის შემდეგ მცირედი ინტერვიუ კრის ჰიუტონმაც მისცა. მისი განცხადებით, "ბრაიტონი" იმედგაცრუებულია დღევანდელი შედეგით. "ეს დიდი იმედგაცრუებაა. როცა "ოლდ ტრაფორდზე" მოდიხარ წინასწარ მზად ხარ, რომ მთლიანად მოგიწევს მატჩში ჩართვა. ჩვენ ყველაფერი გავაკეთეთ, რაც შეგვეძლო. თუმცა საკადრისი პასუხი მივიღეთ სუსტი დასაწყისისა და უაზროდ გაშვებული გოლებისთვის," - განაცხადა კრის ჰიუტონმა.