დღევანდელ დღეს "ოლდ ტრაფორდი" განსაკუთრებული იქნება. ხვალ სერ მეტ ბასბის გადრაცვალებიდან 25 წელი გავიდა.

ბრწყინვალე პერიოდის განმავლობაში, შოტლანდიელმა მოიგო ხუთი დივიზიონის თასი, ორი ინგლისის თასი და ევროპის თასი. გარდა ამისა, მის ხელში არაერთი დიდებული ფეხბურთელი გაიზარდა. სერ მეტ ბასბი გარდაიცვალა 1994 წლის 20 იანვარს და "იუნაიტედის" ისტორიაში დიდი სახელით ჩაეწერა.

სერ მეტ ბასბის მთავარ პრინციპს შემტევი ფეხბურთის თამაში წარმოადგენდა. გარდა ამისა, შოტლანდიელი მუდმივად გულშემატკივრების გართობაზე იყო მოტივირებული. ბასბის "იუნაიტედს" ბოლომდე ბრძოლა ახასიათებდა. შოტლანდიელი ყოველთვის აძლევდა ახალგაზრდებს შანსს, რაც შემდგომ "იუნაიტედის" ერთ-ერთ მახასიათებელ ნიშნად იქცა. ეს ზეგავლენა განსაკუთრებით თვალსაჩინო იყო სერ ალექს ფერგიუსონის 26 წლიან ხანაზე.

ოლე გუნარ სოლსკიაერმა უკვე ისაუბრა სერ მეტ ბასბის მნიშვნელობაზე. ნორვეგიელს საკმაო დრო ჰქონდა შოტლანდიელის ზეგავლენის გამოსაცდელად. მან, როგორც ფეხბურთელმა, 13 სეზონი გაატარა "იუნაიტედში".

დღევანდელი მატჩი ყველაზე ახლოსაა სერ მეტ ბასბის გარდაცვალების დღესთან. ასე რომ კლუბი სხვადასხვა გზით ეცდება პატივი მიაგოს დიდებული შოტლანდიელის ხსოვნას. უპირველეს ყოვლისა, სერ მეტ ბასბის ძეგლის თავზე, სტადიონზე, წარწერა გაკეთდა:



ორივე გუნდი და, რა თქმა უნდა, გულშემატკივრებიც წუთიერი დუმილით პატივს მიაგებენ სერ მეტ ბასბის ხსოვნას. "მანჩესტერ იუნაიტედის" ტელევიზიაში კი სერ მეტ ბასბის ისტორიის შესახებ მოკლემეტრაჟიანი ფილმები იტრიალებს.


წყარო: ManUtd.com