ოლე გუნარ სოლსკიაერმა ჟოზე მოურინიოს შესახებ ისაუბრა. მისი განცხადებით, "იუნაიტედის" ყოფილ მწრთვნელს სამსახურის პოვნა არ გაუჭირდება, რადგან ის უმაღლესი დონის მწრთვნელია.

"რატომ არ უნდა დაბრუნდეს ფეხბურთში? ის ფანტასტიკური მენეჯერია და იმ შედეგებიდან გამომდინარე, რაც მთელი მისი კარიერის განმავლობაში გვაჩვენა, არამგონია, რომ სამსახურის მოძებნა გაუჭირდეს."

მოურინიომ თავადაც ისაუბრა თავისი წასვლის შესახებ. მისი განცხადებით, კლუბებმა მწრთვნელები უნდა დაიცვან, ეს ყოველთვის ასე ხდებოდა "ოლდ ტრაფორდზე".

"სერ ალექს ფერგიუსონმა დევიდ ბექემის წასვლის შემდეგ განაცხადა, რომ როდესაც ფეხბურთელი მწრთვნელზე უფრო მნიშვნელოვანი ხდება, ის უნდა გაიყიდოს. დღევანდელ დღეს ეს მიდგომა აღარ არსებობს. არანაირ ბალანსს აღარ იცავენ."

"კიდევ ერთხელ ვიმეორებ, რომ კლუბში რაღაც სტრუქტურაა საჭირო, რომლითაც მწრთვნელს დაიცავ. დისციპლინას და წესრიგს მხოლოდ მწრთვნელი ვერ შეინარჩუნებს."

სოლსკიაერმა აღნიშნულის შესახებ შემდეგი განცხადება გააკეთა:

"მე მის ყველა განცხადებაზე კომენტარს ვერ გავაკეთებ. მე ამ ბიჭებთან მუშაობა მსიამოვნებს და ეს ერთადერთია რისი თქმაც მსურს და შემიძლია."

"აქ ყოფნა ძალიან მსიამოვნებს. ერთი სული მაქვს როდის გათენდება ხოლმე და როდის მივალ ბიჭებთან სამუშაოდ."

"მიყვარს ხალხთან მუშაობა, ვცდილობ გავაუმჯობესო და გავუმჯობესდე მათთან ერთად. არ ვიღლები და ყოველ დილას დიდი ენთუზიაზმით ველოდები."


წყარო: SkySports