ნორვეგიელის მოსვლის შემდეგ ენტონი მარსიალის ანგარიშზე ერთი გოლი და ერთი ასისტია. ჟოზე მოურინიოს მეთვალყურეობის ქვეშ კი ფრანგი ძირითადში ადგილს ვერ იკავებდა.
"იუნაიტედმა" ოლე გუნარ სოლსკიაერის მოსვლის შემდეგ ექვსივე მატჩი მოუგო. ჟოზე მოურინიოს წასვლის შემდეგ კი გულშემატკივარმა ნანატრი ლამაზი ფეხბურთი იხილა.
მარსიალი მიიჩნევს, რომ ოლე გუნარ სოლსკიაერმა "იუნაიტედზე" დიდი ზეგავლენა მოახდინა:
"ჩემთვის ძალიან დიდი გამოცდილებაა იმ მენეჯერთან მუშაობა, რომელიც თავის საფეხბურთო კარიერაში ფორვარდის პოზიციაზე თამაშობდა."
"ძალიან კარგი რჩევები აქვს, განსაკუთრებით პოზიციებსა და მომენტების გოლად ქცევასთან დაკავშირდებით. მისი გამოცდილება ძალიან დამეხმარა."
"თუმცა ყველაზე კარგი რჩევა იყო ის, რომ ჩემი ძალები და თავი მაქსიმალურად გამომეხატა. მასთან ერთად წნეხის ქვეშ არ ვგრძნობ თავს. ის თავადვე ამბობს, რომ მოედანზე ჩემი თავი მაქსიმალურად უნდა გამოვხატო. კარგია, როცა მწრთვნელი ასეთ რჩევებს გაძლევს."
"დუბაიში გაცილებით სხვანაირად გვესაუბრა. მისი ხრიკები გაგვაცნო და აგვიხსნა თუ რამხელა ბედნიერებაა "მანჩესტერ იუნაიტედის" ნაწილად ყოფნა."
"ჩვენ ყველამ ვიცით, რომ მისი, როგორც ფეხბურთელის, კარიერა იდეალური იყო. ასე რომ როცა რამეს გვეუბნება მთელი გულისყურით ვუსმენთ."
სოლსკიაერმა არა მარტო მარსიალის, არამედ პოლ პოგბასა და მარკუს რეშფორდის დახვეწაშიც მიიღო მონაწილეობა. სწორედ მათი დამსახურებით შეძლო "იუნაიტედმა" "უემბლიზე" გოლის გატანა.