"მანჩესტერ იუნაიტედი" იანვრის ტრანსფერებზე ნოამ ემერენს შეიძენს. როგორც ჩანს, თავად ნოამი უკვე დათანხმდა კლუბის შემოთავაზებას.

16 წლის "ამიენის" ფორვარდს დიდი ხანია უკვე "იუნაიტედის" სახელს უკავშირებენ. ახალგაზრდამ "წითლების" სკაუტები მოხიბლა და, შესაბამისად, ხელმძღვანელობა ყველაფერს გააკეთებს მის შესაძენად.

ფორვარდით ინტერესდებოდნენ "იუვენტუსიც" და პსჟ-ც, თუმცა როოგრც პრესაში იწერება, ახალგაზრდა ფეხბურთელმა "იუნაიტედი" აირჩია. ემერენმა ინტერვიუ ადგილობრივ ჟურნალს მისცა:

"მე ჩემს ოჯახს ვესაუბრე და ერთად განვიხილეთ ყველა შემოთავაზება. ვფიქრობ, რომ ეს საუკეთესო არჩევანია იმათ შორის, რაც მქონდა. ყველაზე მეტად აქ განვვითარდები და მივაღწევ იმას, რაც მსურს."

"ახლა უკვე ყველაფერი ჩემზეა დამოკიდებული. მაქსიმალურად უნდა ვიშრომო და ჩემს მიზნებსა და ოცნებებს მივაღწიო."

"ამიენსში" მისაბაძი მაგალითი არ მყავს, მაგრამ ძალიან მომწონს გაელ კაკუტას თამაში. ზოგადად კი ჩემი კუმირი ლეროი სეინია."

"ჩემი ამბიცია არის ის, რომ გავხდე პროფესიონალი და მოვიგო რაც შეიძლება ბევრი ტიტული, თუმცა ახლა ჩემს პირველ პრიორიტეტად სკოლა რჩება. თუ სწავლას მოვუკლებ, მაშინ არც ფეხბურთი იარსებებს," - დაასრულა ემერენმა.

ნოამ ემერენი უკვე 16 წლისაა და ის ფრანგულ კლუბში, "ამიენსში" თამაშობს ფორვარდის პოზიციაზე. "იუნაიტედი" დიდი ხანია მისით ინტერესდება და დიდი ალბათობით, ახალგაზრდა ფორვარდი "ოლდ ტრაფორდზე" იანვარში გადაბარგდება.

წყარო: M.E.N.