ვინ დაესწრო ვარჯიშს.
ოლე გუნარ სოლსკიაერს შაბათისთვის ფართო არჩევანი ექნება. "ბრაიტონთან" მატჩისთვის მინიმუმ ერთი ფეხბურთელი დაბრუნდება.
შეგახსენებთ, რომ ერიკ ბაიის სამმატჩიანი დისკვალიფიკაცია ჰქონდა, თუმცა "ბრაიტონთან" თამაშის უფლება უკვე ექნება. სამივე მატჩში ცენტრალურ მცველებად ფილ ჯონსი და ვიქტორ ლინდელოფი იდგნენ. მათ დავიდ დე ხეასთან ერთად კარის მშრალად შენარჩუნება მოახერხეს. რაც შეეხება მარკოს როხოს, ის ტრავმის გამო ჯერ კიდევ არ არის მზად სათამაშოდ.
გარდა ამისა, "იუნაიტედს", შესაძლოა, ალექსის სანჩესი დაუბრუნდეს. ჩილელმა ვარჯიშები ოთხშაბათს დილას გააგრძელა.
ძირითად გუნდთან ერთად ივარჯიშა ახალგაზრდა მეკარემ, პერეირამ. შეგახსენებთ, რომ აკადემიელი არენდიდან ახლახანს დაბრუნდა.
კრის სმოლინგი, ნემანია მატიჩი და პოლ პოგბა ვარჯიშს არ ესწრებოდნენ, თუმცა ეს არ ნიშნავს, რომ ისინი შაბათისთვის მზად არ იქნებიან.
ვარჯიშს დაესწრო "იუნაიტედის" ყოფილი ფორვარდი გიუსეფ როსიც, თუმცა როგორც ოლე გუნარმა აღნიშნა, იტალიელი გუნდში შემდეგი მსურველის გამოჩენამდე რჩება.
სოლსკიაერი პრესკონფერენციას პარასკევს გამართავს, სადაც ფეხბურთელების მზაობაზე დეტალურად ისაუბრებს.
წყარო:
ManUtd.com