გარი ნევილმა "მანჩესტერ იუნაიტედის" მომავალ მწრთვნელზე ისაუბრა. მისი განცხადებით, კლუბის ახალმა მეთაურმა "იუნაიტედის" ძველ ტრადიციებს პატივი უნდა სცეს და შემტევი ტაქტიკა შეინარჩუნოს.

სერ ალექს ფერგიუსონის შემდეგ კლუბის ხელმძღვანელობამ სამი მწრთვნელი დაითხოვა: დევიდ მოიესი, ლუის ვან გაალი და ჟოზე მოურინიო. მათი წასვლის მიზეზი დაცვითი სტილის თამაში გახლდათ.

გულშემატკივრები შეწუხებულნი იყვნენ "იუნაიტედის" თამაშის ახალი სტილით და "ოლდ ტრაფორდზე" ძალიან ხშირად მღეროდნენ შემდეგ ჩანტს: "attack, attack, attack" ("შეტევა, შეტევა, შეტევა").

ოლე გუნარ სოლსკიაერის მოსვლის შემდეგ ყველაფერი შეიცვალა. "იუნაიტედმა" ექვს მატჩში 17 გოლის გატანა მოახერხა. როგორც უკვე ცნობილია, ხელმძღვანელობა ზაფხულში ახალ მწრთვნელს დანიშნავს. ნევილს მიაჩნია, რომ ვინც არ უნდა დაინიშნოს, ყველამ პატივი უნდა სცეს კლუბსი ტრადციიებს და "იუნაიტედს" შემტევი ფეხბურთი ათამაშოს.

"არავის აღარ უნდა მიეცეს უფლება, რომ "ოლდ ტრაფორდზე" მხოლოდ თავისი საკუთარი ფილოსოფიით იხელმძღვანელოს. ეს უკვე გადაწყვეტილი ამბავია."

"მანჩესტერ იუნაიტედის" ფილოსოფია ძალიან ღრმა და აზრიანია. ეს სწორედ ისეთივე მომენტია, როგორიც "ბარსელონას" ან "აიაქსის" შემთხვევაში."

"მანჩესტერ იუნაიტედში" სწრაფ, შემტევ ფეხბურთს თამაშობ. მოგყავს ახალი ფეხბურთელები, აკადემიელებს დიდ ყურადღებას აქცევ და მათში რწმენას ნერგავ და აი, სწორედ ასე იგებ მატჩებს."

"ოლე გუნარის მაგალითზე შეგიძლიათ იხილოთ ნამდვილი "მანჩესტერ იუნაიტედი". მათი ყურება უკვე მსიამოვნებს, ვერთობი, მომწონს და სტადიონზე დაბრუნების სურვილი მიპყრობს."

"უემბლიზე" ერთი საოცარი კონტრ-შეტევა განახორციელეს. თავადაც გაოცებული დავრჩი. ამდენი წლის შემდეგ ჩემი თვალებით ვხედავდი როგორ მოძრაობდნენ "წითლები" მთელს სტადიონზე. ერთი საჯარიმოდან მეორე საჯარიმოში გადასაადგილებლად სამი წამი ყოფნიდათ. ძალიან სწრაფები იყვნენ და ლამაზი ფეხბურთიც გამოუვიდათ," - დაასრულა ნევილმა.


წყარო: Goal.com