"ინგლისის თასის " მეოთხე ეტაპზე "არსენალთან" გამართული მატჩში "მანჩესტერ იუნაიტედის" გულშემატკივრებს მხოლოდ 5223 ბილეთის შეძენის უფლება ექნებათ.
ზოგადად, გასვლით მატჩებზე გუნდები ადგილების 15%-ის შეძენის უფლებას იღებენ, რაც მთლიანობაში 9000 ბილეთს გვაძლევს, თუმცა როგორც უკვე აღვნიშნეთ, "იუნაიტედს" მხოლოდ 8.7%-ს მისცემენ.
"არსენალის" სპიკერის განცხადებით, გადაწყვეტილება უსაფრთხოების მიზნით იქნა მიღებული:
"ბილეთები უსაფრთხოების მიზნით შევამცირეთ. ჩვენ ამ გადაწყვეტილების მიღებამდე დაცვის სამსახურს ვესაუბრეთ, რომელშიც ადგილობრივი თვითმმართველობისა და პოლიციის წარმომადგენლები ერთიანდებოდნენ."
აღნიშნულმა ფაქტმა "იუნაიტედის" გულშემატკივრები გააბრაზა და მათი განცხადებით, ეს ხუმრობაა, რომლის ატანასაც არ აპირებენ:
"ინგლისის თასს" განსაკუთრებულობას მისი საოცარი ატმოსფერო მატებს. არ შეიძლება, რომ "იუნაიტედს" განსაზღვრული ადგილების ნახევარი შესთავაზო. ეს, უბრალოდ, დაუჯერებელი და მიუღებელია."
"ეს საკითხი აუცილებლად უნდა მოგვარდეს. თამაში 10 დღეშია და "იუნაიტედს" ცოტა დრო რჩება. ჩვენ ბილეთებს ვერც ვყიდულობთ. თუ გინდათ, რომ "ინგლისის თასის" განსაკუთრებულობა შეინარჩუნოთ, დაუბრუნეთ "იუნაიტედს" თავისი განსაზღვრული ადგილების რაოდენობა."
თუმცა გადაწყვეტილება უკვე "ინგლისის თასის" ხელმძღვანელობასთან გადაწყდა. შესაბამისად, "იუნაიტედს" აღნიშნული პრობლემის მოგვარება გაუჭირდება.