"მანჩესტერ იუნაიტედი" "ჩემპიონთა ლიგის" შემდეგ ეტაპზე "პსჟს" დაუპირისპირდება. ოლე გუნარ სოლსკიაერის მოსვლის შემდეგ "წითლებს" იმედები გაუჩნდათ. შეგახსენებთ, რომ "იუნაიტედმა" ექვსი მატჩიდან ექვსივე მოიგო და "პრემიერ ლიგაშიც" ოთხეულამდე სხვაობა საგრძნობლად შეამცირეს.

მბაპეს განცხადებით, "იუნაიტედი" ძველებურ ფორმაში ჩადგა და ახლა ეს ძალიან ძლიერი გუნდია.

"ვფიქრობ, რომ "მანჩესტერ იუნაიტედი" ყოველთვის მოწოდების სიმაღლეზეა. "ჩემპიონთა ლიგაზე" არცერთი გუნდის წინააღმდეგ თამაში არ მიმაჩნია მარტივად. ჩვენ ყველანაირად ვეცდებთ, რომ კარგი მატჩი ვაჩვენოთ და საუკეთესო თამაშით წარვდგეთ მეტოქის წინაშე."

"იუნაიტედთან" გასამართ მატჩზე მბაპეს თანაგუნდელმაც, ედინსონ კავანმაც, ისაუბრა. მისი განცხადებით, "წითლებში" სრულიად ახალი ცხოვრება დაიწყო.

"ვფიქრობ, მოურინიოს წასვლის შემდეგ "იუნაიტედში" ახალი ენერგია მოვიდა. ისინი უფრო ხშირად იგებენ და მათი მატჩებიც ბევრად უფრო დამაჯერებელია."

"ჩვენ ჩვენს თავზე უნდა ვიფიქროთ და არა სხვა გუნდებზე. ჩვენს შესაძლებლობებსა და შეცდომებზ უნდა ვიფიქროთ და მაქსიმალურად მოვემზადოთ შემდეგი მატჩისთვის."

"ყველამ ვიცით, რომ მათ რთული პერიოდის გავლა მოუწიათ. ვფიქრობ, მწრთვნელის მოსვლამ მათში ბევრი რამ შეცვალა და სულ სხვა ენერგიით თამაშობენ და უკეთეს შედეგებსაც აჩვენებენ."

"მეტი მოტივაციით არიან და ეს ბუნებრივია. ახლა უკეთ მოვემზადებით მათთან გასამართი მატჩისთვის."



წყარო: M.E.N.