პრემიერ ლიგის 22 - ე ტურში, ოთხეულის საგზურისთვის მებრძოლი "მანჩესტერ იუნაიტედი" სტუმრად "უემბლიზე" მაურისიო პოჩეტინოს "ტოტენჰემს" დაუპირისპირდა და მოწინააღმდეგე მინიმალური ანგარიშით 0-1 დაამარცხა.
აღნიშნულ შეხვედრაში რეკორდი დააფიქსირა "წითელი ეშმაკების" ესპანელმა კიპერმა დავიდ დე ხეამ. კერძოდ, დე ხეამ ლონდონელების წინააღმდეგ 11 - სეივი შეასრულა. მსგავსი მაჩვენებელი პრემიერ ლიგის მიმდინარე სეზონში არცერთ მეკარეს არ დაუფიქსირებია.
შეხვედრის დასრულების შემდეგ, ინგლისის ეროვნული ნაკრების ყოფილმა ფეხბურთელმა გარი ლინეკერმა ესპანელს სპაიდერმენიც უწოდა.
22 ტურის შემდეგ, სოლსკიაერის გუნდი 41 ქულით მეექვსე ადგილს იკავებს. ოთხეულთან სხვაობა კი 6 ქულას შეადგენს.