"მანჩესტერ იუნაიტედის" ამჟამინდელმა მენეჯერმა, ოლე გუნარ სოლსკიაერმა, ალექსის სანჩესზე ისაუბრა. ნორვეგიელმა ჩილელის უთამაშებლობის მიზეზი ახსნა. მისი განცხადებით, სანჩესი, უბრალოდ მზად არ იყო "ტოტენჰემთან" დასაპირისპირებლად და, შესაბამისად, ვერც "უემბლიზე" სტუმრობა შეძლო. ჩილელს ჯერ კიდევ ბერვი აქვს სამუშაო, რათა ფიზიკურად სრულიად მზად იყოს.
შეგახსენებთ, რომ ალექსის სანჩესი მოედანზე "ნიუკასლის" წინააღმდეგ გამართულ მატჩში გამოჩნდა. მან თამაში სათადარიგო სკამიდან დაიწყო და მარკუს რეშფორდი ჩაანაცვლა. ამის შემდგომ ალექსისმა "რედინგის" წინააღმდეგ მატჩი ჩაატარა და რომელუ ლუკაკუს გოლის გატანაშიც დაეხმარა.
ოლე გუნარ სოლსკიაერმა თავის ინტერვიუში სანჩესის არყოფნის მიზეზებზე ისაუბრა. მისი განცხადებით, ისმზად არ იყო "უემბლიზე" წასასვლელად და "ტოტენჰემთან" გამართულ მატჩში მონაწილეობის მისაღებად.
"ის ჯერ კიდევ არ არის მზად. ვიმედოვნებ და ვფიქრობ, რომ როცა დავბრუნდებით ვარჯიშს შეძლებს. შესაძლოა, ეს ოთხშაბათს მოხდეს და მან სრული დატვირთვით ივარჯიშოს. მას ბარძაყის ტრავმა აწუხებდა და ახლაც ძალიან რთულად აღწევს ამ ყველაფერს თავს. ამიტომაც, ვიმედოვნებ, რომ შემდეგი კვირისთვის უკვე მზად იქნება და სრული მატჩის ჩატარებას შეძლებს."