"მანჩესტერ იუნაიტედის" ფორვარდი ჯესი ლინგარდი დავიდ დე ხეას თამაშით მოხიბლულია. მისი განცხადებით, ესპანელი მეკარე თანაგუნდელებს თავდაჯერებულობას მატებს.

"ის ბრწყინვალე იყო - მაგრამ ეს მისთვის ერთი ჩვეულებრივი დღეა. მაშინ, როცა "ტოტენჰემი" გვიტევდა და ძალიან ბევრი მომენტი შექმნა, დავიდმა გადაგვარჩინა. ჩვენ ყოველდღიურად ვხედავთ, თუ რა შეუძლია მას. დიდ მატჩებზე კი ყველა ხედავს ესპანელის შესაძლებლობებს. მისი რამდენიმე სეივის შემდეგ ისღა დაგრჩენია, რომ დადგე და თქვა: "ღმერთო, ჩემო".

"ის მსოფლიოში ერთ-ერთი საუკეთესო მეკარეა, საუკეთესო თუ არა. ასეთი მეკარს ყოლა დამატებით თავდაჯერებულობას გმატებს."

"საერთო ჯამში, ძალიან კარგი მატჩი იყო და დიდი სიამოვნება მივიღე. დუბაიში მთელი კვირა ვემზადებოდით. იქ დასასვენებლად არ ჩავსულვართ. ტაქტიკურად ძალიან კარგი მატჩი ჩავატარეთ, განსაკუთრებით პირველი ნახევარი."

"ჩვენ ძალიან ორგანიზებულები ვართ. გვინდა, რომ შევუტიოთ და რაც შეიძლება წინ წავიდეთ. სხვა გუნდებს ჩვენთან თამაშის ეშინიათ. ჩვენ ყოველდღიურად ვპროგრესირებთ და ასე უნდა განვაგრძოთ."

"დუბაიში ჩატარებული სავარჯიშო სესიების დროს სოლსკიაერმა რეშფორდი ინდივიდუალჯრად მოამზადა. ის მას დიდი მატჩებისა და გამარჯვების გოლის გასატანად ამზადებდა."

"უემბლიზე" გამარჯვება ნიშნავს, რომ "იუნაიტედი" ოთხეულს საგრძნობლად მიუახლოვდა.

"ჩვენ მომავალში ყურება უნდა გამვაგრძოთ. შემდეგი მატჩი "ბრაიტონის" წინააღმდეგ გვაქვს და სამი ქულა სასიცოცხლოდ მნიშვნელოვანია ჩვენთვის. ვნახოთ, სად ვიქნებით სეზონის ბოლომდე."


წყარო: ManUtd.com