1999 წელს ტრებლის გამარჯვებული გუნდიდან ოლე გუნარი ბოლო იქნებოდა იმ სიაში, რომელიც სათავეში "წითელ ეშმაკებს" ჩაუდგებოდა.

სოლსკიაერის გოლით "იუნაიტედმა" შეძლო და მატჩის ბოლო წუთებზე "ბაიერნს" მეორე და გადამწყვეტი გოლი გაუტანა, რითაც გუნდს ჩემპიონთა ლიგა მოაგებინა.

დიდი დროის შემდეგ კი ის "იუნაიტედში" ჟოზეს არეულის დასალაგებლად ჩამოვიდა ,ახლა უკვე მწვრთნელის როლში, რასაც მოჰყვა მისი ძალიან კარგი დებიუტი და ზედიზედ 5 მოგებული მატჩით.

იორკი The Sun-თან საუბრისას აცხადებს:"თუ 1999 წელს მეტყოდით, მიმოიხედე გასახდელში და ამოირჩიე ადამიანი, რომელიც მომავალში "იუნაიტედის" მწვრთნელი გახდება, ამ სიაში ოლე ბოლო ადგილს დაიკავებდა. ის ძალიან წყნარი იყო."

"ვფიქრობდი, რომ როდესაც ის რეზერვებში და აკადემიის ბიჭებთან მუშაობდა, მხოლოდ მომავალ თაობას მოამზადებდა, მაგრამ რაც მან შეძლო, ეს გასაოცარია, ამას ვერ უარყოფ."

იორკმა ასევე დაამატა:"იუნაიტედი" განსაკუთრებული გუნდია, მსოფლიოში საუკეთესო, შენ არ შეგიძლია უბრალოდ დაივიწყო ის, თუ რა გზით შექმნეს მათ ეს ყველაფერი, ოლე კი სწორედ ამ გზას უბრუნდება"

"მან გუნდს კვლავ დაუბრუნა კავშირი, კავშირი რომელიც არასდროს უნდა დაიკარგოს"

"ახლა ვუყურებ მათ თამაშებს და ეს ყველაფერი იმას მახსენებთ, თუ როგორ ვთამაშობდით ჩვენ, ფეხბურთელები კვლავ იღებენ ამით სიამოვნებას"

"თუ ოლე ასე გააგრძელებს და ტიტულს მოიგებს, ის უნდა დარჩეს გუნდში,რატომაც არა?"-დაასრულა "იუნაიტედის" ყოფილმა თავდამსხმელმა.