გუნდები "უემბლიზე" მეოთხედ დაუპირისპირდებიან ერთმანეთს.
"მანჩესტერ იუნაიტედი" 13 იანვარს "ტოტენჰემს" უკვე 191-ჯერ დაუპირისპირდება. თუმცა ეს მხოლოდ მეოთხე შემთხვევა იქნება, როცა კლუბები მატჩს "უემბლიზე" გამართავენ.
ნაციონალურ სტადიაონზე ბოლო სამი შეხვედრიდან ორი ჩატარდა, როცა "წითლები" მასპინძლებმა 2-0 ანგარიშით დაამარცხეს.
პირველად, დაახლოებით 10 წლის წინ, სერ ალექს ფერგიუსონის შეგირდები "უემბლის" "ტოტენჰემთან" სათამაშოდ 2009 წელს ეწვივნენ "ლიგის თასის" მატჩის სათამაშოდ.
120 წუთის განმავლობაში გოლის გატანა ვერცერთმა მხრემ ვერ მოახერხა. პენალტების სერიაში ბენ ფოსტერმა ჯეიმ ო'ჰარის პენალტი აიღო და ამის შემდეგ ანდერსონმა გამარჯვების გოლი გაიტანა და, შესაბამისად, "იუნაიტედი" შემდეგ ეტაპზე გავიდა.
"იუნაიტედის" თერთმეტეული იმ დღეს ახალგაზრდებითა და უკვე გამოცდილი ფეხბურთელებით იყო დაკომპლექტებული. ჯონ ოში, რიო ფერდინანდი, პატრის ევრა, რონალდუ, პოლ სქოულზი, ნანი და კარლოს ტევეზი ძირითად გუნდში თამაშობდნენ. მათ ახალგაზრდებიდან ჯონი ევანსი, დარონ გიბსონი და დენი უელბეკი შეუერთდათ.
შანსი მიეცა ფოსტერსაც, რადგან სერ ალექს ფერგიუსონმა ედვინ ვან დერ სარის დასვენება გადაწყვტია. მან მწრთნელს იმედები არ გაუცრუა, პენალტი აიღო და შესაბამისად მატჩის გმირის ტიტულიც კი მიიწერა. მანამდე კი აარონ ლენონის დარტყმულზე საოცარი რეაგირება მოახდინა და კარგი სეივიც გააკეთა.
რაიან გიგზმა, ტევეზმა, რონალდუმ და ანდერსონმა პენალტების სერიაში გოლების გატანა მოახერხეს, თუმცა "ტოტენჰემიდან" მხოლოდ ვედრან კორლუკმა შეძლო ბურთის ბადეში მოთავსება.
"წითლებისთვის" ეს 2008-2009 წლის სეზონში უკვე მესამე ტიტული იყო. შეგახსენებთ, რომ მათ ამ წლებში ოთხი ტიტული მოიგეს. "იუნაიტედისთვის" ეს წელი წარმატებული გამოდგა, რადგან "წითლები" "ჩემპიონთა ლიგის" ტიტულის აღმართვასთანაც ახლოს იყვნენ, თუმცა, საბოლოოდ, ფინალში "ბარსელონამ" 2-0 ანგარიშით დაამარცხა.
წყარო:
ManUtd.com