"მანჩესტერ იუნაიტედის" მეკარეთა მწრთვნელი ემილიო ალვარესი აცხადებს, რომ დავიდ დე ხეას ჯერ კიდევ ბევრის მიღწევა შეუძლია. შესაძლოა, მსოფლიოში ნომერ პირველ მეკარედ უკვე აღიარეს, თუმცა ესპანელის შესაძლებლობები ამით არ ამოწურულა და მას გაცილებით მეტი შეუძლია. ემილიომ დანარჩენ მეკარეებზეც ისაუბრა.

"დავიდს, რა თქმა უნდა, გაცილებით მეტი სათამაშო დრო ეძლევა, მაგრამ სამივე მათგანი ძალიან კარგად თამაშობს. დავიდის შემთხვევაში ყოველთვის ვფიქრობთ, როგორ შეიძლება, რომ უფრო და უფრო გაუმჯობესდეს. სიმართლე რომ გითხრათ, არ მგონია, რომ დავიდი ოდესმე შეწყვეტს განვითარებას. დამიჯერეთ, მომავალში უფრო და უფრო უკეთესი გახდება!"

დავიდ დე ხეა ძალიან ბევრს ვარჯიშობს მოედანზე და მოედანს გარეთაც. მასთან ერთად ბევრს მუშაობენ სერხიო რომეროცა და ლი გრანტიც. ისინი მუდმივად ცდილობენ ერთმანეთზე უკეთესები გახდნენ.

"ისინი მუდმივად ცდილობენ, რომ ერთმანეთზე უკეთესები გახდნენ, მაგრამ მათი ურთიერთობა უბრალოდ ბრწყინვალეა. ამით ძალიან ვამაყობ და ვბედნიერდები. მათ გუნდთანაც საოცარი ურთიერთობა აქვთ, რითაც ძალიან ვამაყობ. ვფიქრობ, რომ ეს სამეული მთელ გუნდში შესანიშნავ განწყობას ქმნის."

რომეროს ახლახანს მიეცა დრო თავისი შესაძლებლობების დასამტკიცებლად. შეგახსენებთ, რომ სერხიომ "რედინგის" წინააღმდეგ ითამაშა, სადაც "იუნაიტედმა" კარი მშრალად შეინახა. არგენტინელი კი რამდენიმე კარგი სეივით გამოირჩეოდა.

გრანტი "იუნაიტედს" ამ ზაფხულს შეუერთდა და "წითლები" მისი შთამბეჭდავი მოძრაობებით რამდენიმეჯერ გააოცა.

"სიმართლე რომ გითხრათ, არ ვფიქრობ, რომ გრანტი მხოლოდ ჩვენგან სწავლობს. ის ძალიან, ძალიან სასიამოვნო ადამიანია. ჩვენ მისგან ბევრს ვსწავლობთ, რადგან ის ძალიან კარგი მეკარეა, ძალიან ძალიან კარგი პროფესიონალი და როგორც ადამიანი უბრალოდ საოცარია. დაუჯერებელია მისი ურთიერთობა დანარჩენ ფეხბურთელებთან. ძალიან გაგვიმართლა, რომ ის გვყავს."

"სამივე მეკარეს საოცარი შესაძლებლობები აქვთ და მსურს, რომ მსოფლიოში სამივე საუკეთესო იყოს. ჩემთვის ძალიან სასიამოვნოა ასეთ მეკარეებთან მუშაობა,"- დაასრულა ემილიომ.


წყარო: ManUtd.com