''ინტერის'' მცველი, რომლის შესაძლო ტრანსფერზე ბევრი დაიწერა, ამ ჭორებს ზედმეტად უარყოფითად შეხვდა. შკრინიარმა ინფორმაციას, რომლის მიხედვითაც €54 მილიონის სანაცვლოდ ''იუნაიტედი'' მას ყიდულობდა, ''მ****ერობა'' უწოდა. ''იუნაიტედი'' ''ბარსელონა'' და მადრიდის ''რეალი'' მის ირგვლივ განვითარებულ მოვლენებს მძაფრად აკვირდებოდნენ.
ასე რომ მასზე ბევრი ჭორი დაიწერა, რაზეც მილან შკრინიარი ისე გაბრაზდა რომ ნერვები ვეღარ მოთოკა და საკუთარ ინსტაგრამზე გაზეთის სურათი გამოაქვეყნა, სადაც მის ტრანსფერზე ეწერა ''იუნაიტედში''. ამ სურათს მან შემდეგი სიტყვები დაურთო სტატიის ავტორის მისამართით - ''შენ არაფერი იცი და მაინც მსგავს ინფორმაციას აქვეყნებ. შენ მ***ნერი ხარ, წადი და ესეც დაწერე შენს სტატიაში''.
თუმცა, როცა მილანს მოურინიო ეპატიჟებოდა, სლოვაკი მცველი სულ სხვა განწყობით შეხვდა მის გარშემო აგორებულ ჭორებს. მან ოქტომბერში ESPN-სთან ისაუბრა - ''როცა ჟოზეს მსგავსი მწვრთნელი გეპატიჟება, ყოველთვის სასიამოვნოა, მაგრამ არ მესმის ჭორები კვლავ რატომ გრძელდება''.
''იმის მსგავსი, რაც გაზეთში წერია, არაფერი გამიკეთებია. იმის მიუხედავად რომ ჟოზე მსოფლიოს ერთ-ერთი უდიდესი მენეჯერია, მე მაინც ბედნიერად ვგრძნობ თავს ''ინტერში''. მილანში ბედნიერი ვარ, მეგობრებთან და ოჯახთან ერთად მშვენივრად ვერთობი და ყველაფერი შესანიშნავად მიდის''.